- యూత్ కాంగ్రెస్ శ్రేణుల సంబరాలు
చేర్యాల, వెలుగు: సిద్దిపేట జిల్లాలోని మద్దూరు నుంచి దూల్మిట్టను వేరు చేసి కొత్త మండలంగా ఏర్పాటు చేస్తూ రాష్ట్ర ప్రభుత్వం బుధవారం ఉత్తర్వులు జారీ చేసింది. ఈ నేపథ్యంలో యూత్కాంగ్రెస్ శ్రేణులు సీఎం రేవంత్రెడ్డి, జనగామ డీసీసీ అధ్యక్షుడు, మాజీ ఎమ్మెల్యే కొమ్మూరి ప్రతాపరెడ్డి ఫొటోలకు క్షీరాభిషేకం చేసి సంబరాలు చేసుకున్నారు.
వెల్దుర్తి వెలుగు: మాసాయిపేట ను నూతన మండలంగా ఏర్పాటు చేస్తూ ప్రభుత్వం గెజిట్ విడుదల చేయడంతో మండల సాధన సమితి ఆధ్వర్యంలో బుధవారం సంబరాలు నిర్వహించారు. ఈ సందర్భంగా కాంగ్రెస్ సీనియర్ నాయకుడు సిద్ధి రాములు గౌడ్ మాట్లాడుతూ.. తెలంగాణ రాష్ట్ర ప్రభుత్వం 13 గ్రామాలను కలుపుతూ నూతనంగా మాసాయిపేట మండలం ఏర్పాటుచేస్తూ గెజిట్ విడుదల చేసిందన్నారు.
జిల్లా మంత్రి దామోదర్ రాజనర్సింహా, ఇంచార్జి మంత్రి కొండా సురేఖ, నర్సాపూర్ నియోజకవర్గ ఇన్ చార్జి ఆవుల రాజిరెడ్డి కృషితో గెజిట్ విడుదలైందన్నారు. కార్యక్రమంలో పీఏసీఎస్ డైరెక్టర్ నరసింహులు, నాగరాజు, శ్రీనివాస్ పాల్గొన్నారు.
