స్మార్ట్ సిటీ ఫండ్స్​తో రాష్ట్ర సర్కారు దొంగాట

కేంద్రం గతంలో ఇచ్చిన నిధులనే కొత్తగా రిలీజ్ చేస్తున్నట్లు బిల్డప్ రాబోయే వరంగల్ ఎలక్షన్స్ లో లబ్ధి కోసం కొత్త నాటకం ఇన్నాళ్లూ మ్యాచింగ్ గ్రాంట్​ఇవ్వకుండా ఇప్పుడు కొత్త మెలిక పనులు చేసి బిల్లులు పెట్టాకే పైసలు ఇస్తామని ప్రకటన స్టేట్‍ గవర్నమెంట్‍ తీరుతో స్మార్ట్​ సిటీ పనులు కష్టమే వరంగల్‍ రూరల్‍/కరీంనగర్, వెలుగు: కేంద్ర ప్రభుత్వం ఇచ్చిన స్మార్ట్​ సిటీ ఫండ్స్​తో రాష్ట్ర సర్కారు దొంగాట ఆడుతున్నది.  స్మార్ట్​ సిటీ స్కీమ్​ కింద ఎంపికైన వరంగల్, కరీంనగర్​లకు ఐదేళ్ల పాటు సెంట్రల్, స్టేట్​గవర్నమెంట్స్​ఏటా రూ.100 కోట్ల చొప్పున  ఇవ్వాల్సి ఉంది. ఈ క్రమంలో కేంద్రం ఇప్పటికే తన వాటా కింద రెండు విడతల ఫండ్స్​ఇచ్చింది. కానీ రాష్ట్ర ప్రభుత్వం తన వాటా ఇవ్వకపోగా సెంటర్​ ఇచ్చిన  పైసలనూ తన దగ్గరే పెట్టుకున్నది. తీరా ఇప్పుడు వరంగల్​ కార్పొరేషన్​కు ఎలక్షన్స్ రావడంతో ఇన్నాళ్లూ తన దగ్గరే ఉన్న సెంట్రల్​ ఫండ్స్​నే  కొత్తగా వరంగల్​కు తానే రిలీజ్​చేస్తున్నట్లు బిల్డప్​  ఇస్తోంది. మరి మ్యాచింగ్​ గ్రాంట్​సంగతేంటని అడిగితే కాంట్రాక్టర్లు పనులు చేసి బిల్లులు పెట్టాకే ఇస్తామంటోంది. రాష్ట్ర సర్కారు ఆడుతున్న ఈ నాటకంతో రెండు  స్మార్ట్​ సిటీలూ నష్టపోతున్నాయి. రూ. 392 కోట్లు ఇచ్చిన కేంద్రం వరంగల్‍, కరీంనగర్‍ సిటీలను సెంట్రల్ గవర్నమెంట్ 2016లో స్మార్ట్ సిటీ స్కీంలో చేర్చింది. ఏడాదికి రూ.100 కోట్ల చొప్పున కేంద్ర, రాష్ట్ర ప్రభుత్వాలు ఐదేండ్లలో ఒక్కో సిటీకి వెయ్యి కోట్లు  కేటాయించాలి. కాగా, కేంద్రం మొదటి రెండు విడతలకు సంబంధించి 2016లోనే  రెండు సిటీలకు రూ.196 కోట్ల చొప్పున మొత్తం 392 కోట్లు అందించింది. మ్యాచింగ్‍ గ్రాంట్‍ కింద రాష్ట్ర సర్కారు సైతం దాదాపు రూ.400 కోట్లు ఇవ్వాల్సి ఉండగా, నాలుగేళ్లు గడిచినా ఒక్క రూపాయి ఇవ్వలేదు. సరికదా, కేంద్రం ఇచ్చిన ఫండ్స్​తన దగ్గరే ఉంచుకొని 2019–2020 వరకు రెండు సిటీలకు చెరో రూ.35 కోట్ల చొప్పున కేవలం రూ.70 కోట్లు మాత్రమే ఇచ్చింది. అంటే  మిగతా రూ.322 కోట్లను ఇన్నాళ్లూ రాష్ట్రం తన దగ్గరే పెట్టుకున్నది. దీంతో పైసల్లేక స్మార్ట్​సిటీ పనులన్నీ పెండింగ్​పడ్డాయి. తీరా వరంగల్​ కార్పొరేషన్​కు త్వరలో ఎన్నికలు జరగనుండడం, ఇటీవల బీజేపీ లీడర్లు రాష్ట్ర సర్కారు తీరుపై విమర్శలు చేస్తుండడంతో ఎట్టకేలకు  రాష్ట్ర ప్రభుత్వం తరఫున ఎంఏయూడీ ప్రిన్సిపల్​ సెక్రెటరీ అర్వింద్​కుమార్ బుధవారం ప్రెస్​ నోట్​ రిలీజ్​ చేశారు. తాము వరంగల్ సిటీకి​కేంద్రం ఇచ్చిన స్మార్ట్​ సిటీ  ఫండ్స్​ను దారి మళ్లించలేదని, 2016–17లో రూ.2.50 కోట్లు, 2017–18లో రూ.32 కోట్లు, 2020–21లో 161.90 కోట్లు ఇచ్చినట్లు పేర్కొన్నారు. అర్వింద్​కుమార్​ చెప్పినదాని ప్రకారం చూసినా 2016లో వచ్చిన ఫండ్స్​ను ఇన్నాళ్లూ రాష్ట్ర సర్కారు తమ దగ్గరే పెట్టుకొని, తీరా వరంగల్​ ఎన్నికల్లో లబ్ధి పొందేందుకు రిలీజ్​ చేసినట్లు స్పష్టమవుతోంది. బిల్లు పెడితేనే మ్యాచింగ్​ గ్రాంట్ స్మార్ట్ సిటీ ప్రాజెక్టు గడువు ఐదేళ్లు. ఈలెక్కన 2022 జూన్ కల్లా పనులు కంప్లీట్​ కావాలి. ఇందుకోసం రాష్ట్ర సర్కారు ఏటా మ్యాచింగ్​ గ్రాంట్ ఇవ్వడంతోపాటు వచ్చిన ఫండ్స్​ను ఏయే  పనులకు ఎంత ఖర్చు చేశారు? ఇంకా ఎన్ని  ఫండ్స్  ఉన్నాయి? తదితర వివరాలతో యుటిలైజేషన్ సర్టిఫికెట్ల(యూసీల)ను ప్రతి ఏటా కేంద్రానికి సమర్పించాలి. కానీ ఇప్పటివరకు  రాష్ట్ర ప్రభుత్వం యూసీలు సబ్మిట్ చేయలేదు. ఎన్నిసార్లు అడిగినా స్టేట్​గవర్నమెంట్​ స్పందించకపోవడం, మ్యాచింగ్​ గ్రాంట్స్​ రిలీజ్​ చేయకపోవడంతో కేంద్రం నుంచి రెండు విడతల నిధులు సుమారు రూ.400 కోట్లు ఆగిపోయాయి. తాజాగా ఎంఏయూడీ ప్రిన్సిపల్​ సెక్రెటరీ అర్వింద్​కుమార్ ఇప్పట్లో రాష్ట్ర సర్కారు మ్యాచింగ్​ గ్రాంట్​ఇవ్వబోదన్నట్లుగా చెప్పారు.  కాంట్రాక్టర్లు పనులన్నీ చేశాక.. ఆఫీసర్లు వాటి బిల్లులు పెట్టాక ఇస్తామన్నారు. ఈ లెక్కన రాష్ట్రం స్మార్ట్​ సిటీల్లో ఇప్పటివరకు రూపాయి కూడా పెట్టలేదనే నిజాన్ని ఒప్పుకున్నట్లయింది. మ్యాచింగ్‍గ్రాంట్‍ ముందుగా ఇవ్వకుంటే పనులు చేసేందుకు కాంట్రాక్టర్లెవరూ రారని, పనులు ఎక్కడికక్కడే ఆగిపోతాయని ఆఫీసర్లు తలపట్టుకుంటున్నారు. కరీంనగర్​ సంగతేంది? వరంగల్​ సిటీకి కేటాయించిన ఫండ్స్​​ను మూడు విడతల్లో కార్పొరేషన్​కే ఇచ్చేశామని బుధవారం ప్రకటించిన ఎంఏయూడీ ప్రినిసపల్​ సెక్రెటరీ అర్వింద్​కుమార్ ఎక్కడా​కరీంనగర్​ పేరెత్తలేదు. సెంటర్​ ఇచ్చిన ఫండ్స్​ను తన దగ్గరే పెట్టుకున్న రాష్ట్ర సర్కారు 2019–2020 ఆర్థిక సంవత్సరం వరకు కరీంనగర్​, వరంగల్​ కార్పొరేషన్లకు రెండు విడతల్లో కేవలం రూ.35 కోట్లు మాత్రమే ఇచ్చింది.  త్వరలో వరంగల్​కార్పొరేషన్​ ఎలక్షన్స్​ ఉండడంతో కేవలం వరంగల్​కు మాత్రమే రూ.161.90 కోట్లను ఇటీవల రిలీజ్​ చేసింది. ఈ క్రమంలో తమ సంగతేంటని కరీంనగర్​ పబ్లిక్​ ప్రశ్నిస్తున్నారు. కరీంనగర్​ కార్పొరేషన్​లో స్మార్ట్​సిటీ కింద  రూ.1,878 కోట్ల విలువైన పనులు చేయాల్సి ఉంది. ఐదేళ్ల పాటు సెంటర్​, స్టేట్​చెరో రూ.100 కోట్ల చొప్పున ఇస్తే వెయ్యి కోట్లు వస్తాయని భావించారు. మరో రూ. 878 కోట్లు ఇతర మార్గాల్లో సమకూర్చుకోవాలని భావించారు. ఇప్పటికే మూడేండ్లు గడిచిపోగా,  సెంట్రల్​ ఇచ్చిన ఫండ్స్​ను ఇన్నాళ్లూ తన దగ్గరే ఉంచుకున్న రాష్ట్ర సర్కారు కరీంనగర్​కు కేవలం రూ. 35 కోట్లు మాత్రమే ఇవ్వడంతో పనులన్నీ పెండింగ్​లో పడ్డాయి. ప్రధానంగా రూ. 327.33 కోట్లతో చేపట్టిన ఎనిమిది ప్రాజెక్టులు నత్తనడకన సాగుతున్నాయి. మల్టీ పర్పస్ స్కూల్ ఆవరణలో చేపట్టిన పార్కు పనులు 15 శాతం కూడా కాలేదు. స్మార్ట్ సిటీ ప్యాకేజీ -1, 2 కింద రూ.222 కోట్లతో చేపట్టిన పనులు ముందుకు సాగడం లేదు.  మూడో ప్యాకేజీ కింద రూ. 53 కోట్లతో  చేపట్టిన రోడ్డు పనులదీ ఇదే పరిస్థితి.  రూ. 191.90 కోట్లతో తలపెట్టిన నిరంతర నీటి సరఫరా, సిగ్నలింగ్, సెక్యూరిటీ కెమెరాలు, వేస్ట్ వాటర్ మేనేజ్ మెంట్,  బయో మైనింగ్ లాంటి13 ప్రాజెక్టులు  డీపీఆర్ దశలోనే ఉన్నాయి.  జీబ్రా క్రాసింగ్, ర్యాంపుల నిర్మాణాలకు సంబంధించి పనులు కూడా టెండర్ దశ దాటలేదు. కరీంనగర్​ స్మార్ట్​సిటీగా ఎంపికైనా రాష్ట్ర ప్రభుత్వం తీరువల్ల తమకు ఒరిగిందేమీ  లేదని పబ్లిక్​ విమర్శిస్తున్నారు. For More News.. మీ ఫోన్ మీ ఇష్టం.. కస్టమర్లకు నచ్చినట్లు ఫోన్ తయారుచేసిస్తామంటున్న ఇండియన్ మొబైల్ కంపెనీ జనవరి21లోగా ఐపీఎల్ ప్లేయర్ల లిస్ట్ ఇవ్వాలి వ్యాక్సిన్ వస్తోంది.. జాబ్స్​ తెస్తోంది..