బెల్లంపల్లి, వెలుగు : రాష్ట్ర క్యారమ్ అసోసియేషన్ ఆధ్వర్యంలో హైదరాబాద్ లోని ఖైరతాబాద్లో ఈ నెల 19, 20వ తేదీల్లో రాష్ట్ర స్థాయి క్యారమ్ ఎంపిక పోటీలు జరుగుతాయని ఉమ్మడి ఆదిలాబాద్ జిల్లా క్యారమ్ అసోసియేషన్ కార్యదర్శి ఆర్.బాలరాజు, ఆర్గనైజింగ్ కార్యదర్శి టి. రాజన్న తెలిపారు. అండర్12, అండర్14, అండర్18, అండర్21 విభాగాల్లో బాల బాలికలకు ఈ పోటీలు నిర్వహిస్తున్నట్లు తెలిపారు.
తమ ఎంట్రీలను ఈ నెల 18వ తేదీలోగా పంపాలన్నారు. పోటీల్లో గెలుపొందిన క్రీడాకారులను ఫిబ్రవరిలో తమిళనాడులోని మధురైలో జరిగే జాతీయ పోటీలకు ఎంపిక చేయనున్నట్లు చెప్పారు. వివరాలకు 9440010404ను సంప్రదించాలని కోరారు.
