కోల్బెల్ట్, వెలుగు: రామకృష్ణాపూర్లోని సింగరేణి ఠాగూర్ స్టేడియంలో ఈనెల 9 నుంచి రాష్ట్ర స్థాయి(సౌత్జోన్) అండర్-13 గర్ల్స్ఫుట్బాల్ఛాంపియన్ షిప్ పోటీలు ప్రారంభం కానున్నాయి. ఖేలో ఇండియా పోటీల్లో భాగంగా వీటిని నిర్వహిస్తున్నారు. పోటీల కోసం చేపట్టిన పనులను ఉమ్మడి ఆదిలాబాద్ జిల్లా ఫుట్బాల్ అసోసియేషన్ ప్రధాన కార్యదర్శి పిన్నింటి రఘునాథ్ రెడ్డి, క్యాతనపల్లి మున్సిపల్ కమిషనర్ గద్దె రాజు, పోటీల నిర్వహణ కమిటీ సభ్యులు మంగళవారం పరిశీలించారు.
ఈ సందర్భంగా రఘునాథ్రెడ్డి.. మాట్లాడుతూ ఐదు రోజుల పాటు లీగ్పద్ధతిలో జరిగే పోటీలను పెద్దపల్లి ఎంపీ గడ్డం వంశీకృష్ణ, కలెక్టర్ కుమార్ దీపక్ ప్రారంభిస్తారని తెలిపారు. పోటీల్లో మొత్తం 7 జిల్లాల చెందిన 170 మంది క్రీడాకారులు పాల్గొంటారని చెప్పారు. పోటీల నిర్వహణకు మందమర్రి ఏరియా సింగరేణి యాజమాన్యం, క్యాతనపల్లి మున్సిపల్ సహాయ సహకారాలు అందిస్తున్నట్లు తెలిపారు. మున్సిపల్ ఏఈ అచ్యుత్, కాంగ్రెస్ టౌన్ ప్రెసిడెంట్, పోటీల నిర్వహణ కమిటీ సభ్యులు పల్లె రాజు, గోపతి రాజయ్య, గాండ్ల సమ్మయ్య, ఒడ్నాల శ్రీనివాస్, క్రీడా సంఘాల బాధ్యులు పాల్గొన్నారు.
