ఆస్ట్రేలియా వన్ ఆఫ్ ది గ్రేటెస్ట్ టెస్ట్ బ్యాటర్ స్టీవ్ స్మిత్ టెస్టుల్లో పదివేల పరుగులను పూర్తి చేసుకున్నాడు. గాలే వేదికగా శ్రీలంకతో జరుగుతున్న తొలి టెస్టులో స్మిత్ ఈ ఘనత సాధించాడు. ఈ మ్యాచ్ కు ముందు 9999 పరుగులతో బ్యాటింగ్ కు దిగిన స్మిత్.. బుధవారం (జనవరి 29) తొలి రోజు ఆటలో భాగంగా ప్రభాత్ జయసూర్య బౌలింగ్ లో మిడాన్ దిశగా సింగిల్ తీసి తన పదివేల మార్క్ అందుకున్నాడు. ఆస్ట్రేలియా తరపున పదివేల పరుగులు పూర్తి చేసుకున్న నాలుగో ఆటగాడు స్మిత్. అంతకముందు అలెన్ బోర్డర్, స్టీవ్ వా, రికీ పాంటింగ్ ఈ ఘనత అందుకున్నారు.
ఓవరాల్ గా టెస్ట్ క్రికెట్ లో పదివేల పరుగులు పూర్తి చేసుకున్న 15వ ఆటగాడు స్మిత్. లారా, సచిన్, సంగక్కర, రికీ పాంటింగ్ తర్వాత వేగంగా 10 వేల పరుగులు పూర్తి చేసుకున్న ఆటగాడిగా రికార్డ్ సృష్టించాడు. నిజానికి బోర్డర్ గానస్కర్ ట్రోఫీలోనే స్మిత్ 10000 పరుగుల క్లబ్ లోకి ఎంట్రీ ఇద్దామనుకుంటే నిరాశే మిగిలింది. సిడ్నీ టెస్టు రెండో ఇన్నింగ్స్ లో 5 పరుగులు చేస్తే స్మిత్ కెరీర్ లో 10 వేల పరుగులు పూర్తి చేసుకునేవాడు. కానీ 4 పరుగులే చేసి ఔటయ్యాడు. దీంతో ఒక పరుగు చేయడానికి అతను శ్రీలంక సిరీస్ వరకు ఆగాల్సి వచ్చింది.
ALSO READ : IND vs ENG 3rd T20I: పాండ్య పరువు తీసిన అత్యుత్సాహం.. కీలక దశలో ఇలా ఎవరైనా చేస్తారా
35 ఏళ్ల స్మిత్.. ఇప్పటివరకు 115 టెస్ట్ మ్యాచ్‌ల్లో 55.86 సగటుతో 1001* పరుగులు చేశాడు. కనీసం 5000 టెస్ట్ పరుగులు చేసిన బ్యాటర్‌లలో, బ్రాడ్‌మాన్ 99.94 తర్వాత ఆస్ట్రేలియన్‌లలో ఇది రెండో అత్యుత్తమ సగటు. డేవిడ్ వార్నర్ రిటైర్మెంట్ తర్వాత టెస్ట్ క్రికెట్‌లో ఓపెనర్‌గా స్మిత్.. ఎనిమిది ఇన్నింగ్స్ ల్లో 28 సగటుతో 171 పరుగులు మాత్రమే చేశాడు. ఇక ఈ టెస్ట్ మ్యాచ్ విషయానికి వస్తే ఓపెనర్లు హెడ్ (57), ఖవాజా (70*) హాఫ్ సెంచరీ చేయడంతో ప్రస్తుతం ఆస్ట్రేలియా రెండు వికెట్ల నష్టానికి 159 పరుగులు చేసింది. క్రీజ్ లో ఖవాజా (70), స్మిత్ (11) ఉన్నారు.
Steven Smith became
— Broken Cricket (@BrokenCricket) January 29, 2025
- 15th Player to Reach 10000 Test runs
- 4th Australian to Reach 10000 Test runspic.twitter.com/kDtDifZUtb
