హైదరాబాద్, వెలుగు: తమతమ రంగాలలో రాణించిన మహిళ వ్యాపారవేత్తలు, వ్యక్తులకు తెలంగాణ ఛాంబర్ ఆఫ్ ఈవెంట్స్ ఇండస్ట్రీ(టీసీఈఐ) శనివారం స్త్రీ శక్తి అవార్డులను అందించింది. ఈ అవార్డ్స్ కోసం మొత్తంగా 165 అప్లికేషన్లు వచ్చాయని టీసీఈఐ పేర్కొంది. వీరిలో 29 మందికి స్త్రీ శక్తి అవార్డులను ఇవ్వగా, ఐదు మందికి స్త్రీ మూర్తీ అవార్డ్ను అందించారు. టీసీఈఐ ఈ అవార్డ్లను వరుసగా మూడో ఏడాది కూడా అందజేసింది. ప్లేబ్యాక్ సింగర్ భార్గవి పిళ్లై, స్టార్ట్ వెంచర్స్కు చెందిన మెహర్ అరియా, వేదిక ఈవెంట్స్కు చెందిన విజయలక్ష్మి, ప్రసన్న, పినాకిల్ గ్రూప్ హోటల్ మేనేజ్మెంట్ కాలేజెస్కు చెందిన యెర్రోజు శ్రీదేవి , బీఎన్ఐ ఎగ్జిక్యూటివ్ డైరక్టర్ సంజనా షాలకు స్త్రీ మూర్తి అవార్డులు దక్కాయి. ఈవెంట్ మేనేజ్మెంట్ సెక్టార్లో మహిళల పాత్ర తక్కువగా ఉందని, మరింత మంది ఈ బిజినెస్లోకి రావాలని టీసీఈఐ సెక్రటరీ నీరజ్ ఠాకూర్ అన్నారు. వివిధ రంగాలలో రాణించిన వుమెన్ ఎంటర్ప్రెన్యూర్లకు ఈ అవార్డులను అందించడం ఎంతో సంతోషంగా ఉందని చెప్పారు. ‘మగవాళ్లు చేసే పనులను మహిళలు చేయలేరని అనే ఆలోచన సమాజంలో ఉంది. ఇది తప్పు అని మహిళలు నిరూపిస్తున్నారు’ అని టీసీఈఐ ప్రెసిడెంట్ రాఖీ కంకారియా అన్నారు.
For More News..
