- సెన్సెక్స్ 720 పాయింట్లు డౌన్..
- 183 పాయింట్లు నష్టపోయిన నిఫ్టీ
న్యూఢిల్లీ: బ్యాంకింగ్, ఐటీ సెక్టార్లలో అమ్మకాల ఒత్తిడి కారణంగా ఈక్విటీ బెంచ్మార్క్ సూచీలు శుక్రవారం దాదాపు ఒకశాతం వరకు నష్టపోయాయి. రూపాయి విలువ కూడా మరింత దిగజారడంతో ఇన్వెస్టర్ల సెంటిమెంట్ దెబ్బతిన్నది. దీంతో సెన్సెక్స్720.60 పాయింట్లు నష్టపోయి 79,223.11 పాయింట్ల వద్ద ముగిసింది. ఇంట్రాడేలో ఇది 833.98 పాయింట్లు తగ్గి 79,109.73 పాయింట్లకు చేరింది.
ఎన్ఎస్ఈ నిఫ్టీ 183.90 పాయింట్లు కోల్పోయి 24,004.75 పాయింట్ల వద్ద స్థిరపడింది. ఈవారంలో సెన్సెక్స్ 524.04 పాయింట్లు, నిఫ్టీ 191.35 పాయింట్లు పెరిగింది. ప్రస్తుతం మార్కెట్ ఫోకస్ అంతా వచ్చే వారం నుంచే రిజల్ట్స్పై ఉందని జియోజిత్ ఫైనాన్షియల్ సర్వీసెస్ రీసెర్చ్ హెడ్ వినోద్ నాయర్ చెప్పారు. సెన్సెక్స్ ప్యాక్ నుంచి జొమాటో, హెచ్డీఎఫ్సీ బ్యాంక్, టెక్ మహీంద్రా, అదానీ పోర్ట్స్, టీసీఎస్, ఐసీఐసీఐ బ్యాంక్, సన్ఫార్మా, ఎల్అండ్ టీ, హెచ్సీఎల్, ఐటీసీ నష్టపోయాయి. టాటా మోటార్స్, నెస్లే, టైటాన్, హెచ్యూఎల్, రిలయన్స్షేర్లు లాభపడ్డాయి.
మార్కెట్గత రెండు సెషన్లలో లాభపడ్డప్పటికీ.. వృద్ధి నెమ్మదించడం, విదేశీ పెట్టుబడులు తరలిపోవడం, అమెరికా వాణిజ్య విధానాలపై అనిశ్చితి వల్ల ఇన్వెస్టర్లలో నిరాశ కనిపిస్తోందని మెహతా ఈక్విటీస్ఎనలిస్ట్ ప్రశాంత్తాప్సీ పేర్కొన్నారు. ఇదిలా ఉంటే, బీఎస్ఈ మిడ్క్యాప్ 0.33 శాతం, స్మాల్క్యాప్ 0.02 శాతం నష్టపోయాయి.
బీఎస్ఈ సెక్టోరల్ ఇండెక్స్లలో ఎనర్జీ, టెలికం, కన్జూమర్ డ్యూరబుల్స్, మెటల్,ఆయిల్అండ్ గ్యాస్ లాభపడ్డాయి. మూడో క్వార్టర్ ఫలితాలు మెప్పించడంతో డీమార్ట్ షేరు 11 శాతం లాభపడింది. ఆసియా మార్కెట్లలో సియోల్, హాంకాంగ్లాభాల్లో, షాంఘై నష్టాల్లో ముగిశాయి. కొత్త సంవత్సరం సెలవు వల్ల జపాన్ మార్కెట్లు పనిచేయలేదు. ఎఫ్ఐఐలు గురువారం 1,506.75 కోట్ల విలువైన ఈక్విటీలు కొన్నారు. డాలర్తో పోలిస్తే రూపాయి మారకం విలువ నాలుగు పైసలు తగ్గి 85.79 (తాత్కాలికం) వద్ద ముగిసింది. బ్రెంట్ క్రూడ్ బ్యారెల్ ధర 0.43 శాతం తగ్గి 75.60 డాలర్లకు చేరింది.
