పురుషుల వన్డే, టీ20ల్లో ఇంటర్నేషనల్ క్రికెట్ కౌన్సిల్ (ఐసీసీ) నవంబర్ నెలలో కొత్త రూల్ తీసుకొచ్చిన సంగతి తెలిసిందే. రెండు ఫార్మాట్లలో నిర్ణీత సమయంలో ఆటను పూర్తి చేసేందుకు కీలక నిర్ణయం తీసుకుంది. ఓవర్‌‌‌‌‌‌‌‌‌‌‌‌‌‌‌‌కు ఓవర్‌‌‌‌‌‌‌‌‌‌‌‌‌‌‌‌కు మధ్య 60 సెకండ్ల కంటే ఎక్కువ గ్యాప్‌ ఉండకూడదన్న రూల్ తెచ్చింది. ఈ రూల్ ను రేపటి నుంచి (డిసెంబర్ 12) అమలు చేయనున్నారు. డిసెంబర్ 12న బార్బడోస్‌లో వెస్టిండీస్, ఇంగ్లండ్‌ల మధ్య తొలి టీ20 మ్యాచ్‌తో ట్రయల్ ప్రారంభమవుతుంది.
ఇంగ్లాండ్, వెస్టిండీస్ జట్లు బార్బడోస్ వేదికగా రేపు తొలి టీ20 మ్యాచ్ ఆడనున్నాయి. ఈ రూల్ ప్రకారం బౌలింగ్‌ టీమ్ ఒక ఓవర్ వేసిన తర్వాత నిమిషంలోపు తర్వాతి ఓవర్ స్టార్ట్ చేయాల్సి ఉంటుంది. ఇందుకోసం స్టాప్ క్లాక్‌‌‌‌‌‌‌‌ను ఉపయోగిస్తారు. ఒకవేళ ఇన్నింగ్స్‌‌‌‌‌‌‌‌లో మూడుసార్లు 60 సెకండ్ల రూల్‌‌‌‌‌‌‌‌ను బ్రేక్‌ చేస్తే బౌలింగ్‌ టీమ్‌‌‌‌‌‌‌‌కు ఐదు రన్స్‌ పెనాల్టీ విధించి వాటిని బ్యాటింగ్‌ టీమ్ స్కోరులో జతచేస్తారని ఐసీసీ గవర్నింగ్‌ బాడీ ప్రకటించింది. ఈ మేరకు మంగళవారం జరిగిన తమ బోర్డు మీటింగ్‌‌‌‌‌‌‌‌లో నిర్ణయం తీసుకున్నట్టు వెల్లడించింది.
ఈ నిబంధనను డిసెంబర్ నుంచి ఏప్రిల్ వరకు ప్రయోగాత్మకంగా అమలు చేస్తామని ఐసీసీ తెలిపింది. మెన్స్ వన్డే, టీ20ల్లో ఈ ఏడాది డిసెంబర్ నుంచి వచ్చే ఏడాది ఏప్రిల్ వరకు ట్రయల్ ప్రాతిపదికన స్టాప్ క్లాక్‌‌‌‌‌‌‌‌ను ప్రవేశపెట్టడానికి క్రికెట్ ఎగ్జిక్యూటివ్ కమిటీ (సీఈసీ) అంగీకరించింది. ఓవర్‌‌‌‌‌‌‌‌ల మధ్య తీసుకునే సమయాన్ని నియంత్రించడానికి ఈ నిబంధన ఉపయోగించబడుతుంది’ అని పేర్కొన్నది.
ICC to kick start Stop Clock Trial from ENG vs WI T20Is:
— Johns. (@CricCrazyJohns) December 11, 2023
Stop clock will restrict the amount of time taken between overs, the bowling team need to be ready to bowl the first ball of their next over within 60 Sec of previous over - if teams fail to do so for the third time then 5… pic.twitter.com/twshTzUb7D
