- ఎన్నికల వేళ రోజురోజుకూ మారుతున్న కండువాలు
లక్సెట్టిపేట, వెలుగు: ఎన్నికలు సమీపిస్తున్న తరుణంలో విచిత్రాలు చోటు చేసుకుంటున్నాయి. ఒక్కరోజు వ్యవధిలో కార్యకర్తల భుజాలపై పార్టీల కండువాలు మారుతున్నాయి. ఈ పరిణామాలతో ప్రజలు ముక్కున వేలేసుకుంటున్నారు. లక్సెట్టిపేట మున్సిపాలిటీ పరిధిలోని మేరు సంఘం అధ్యక్షుడు రామగిరి శ్రీనివాస్, ఉపాధ్యక్షుడు వెన్న వెంకటస్వామి, కార్యవర్గ సభ్యుడు రాజేశ్తో పాటు పలువురు లీడర్లు మంగళవారం మాజీ ఎమ్మెల్సీ ప్రేమ్ సాగర్ రావు సమక్షంలో కాంగ్రెస్ పార్టీలో చేరారు.
ALS0 READ: తప్పుడు ప్రచారం మానుకోవాలి : క్యామ మల్లయ్య
అయితే, వీరంతా బుధవారం ఉదయం మున్సిపల్ చైర్మన్ నలమాస్ కాంతయ్య సమక్షంలో బీఆర్ఎస్ కండువా కప్పుకోవడం గమనార్హం. ఇదిలా ఉండగా.. విషయం తెలుసుకున్న కాంగ్రెస్నేతలు బుధవారమే వెన్న వెంకటస్వామి ఇంటికి చేరుకొని కాంగ్రెస్ కండువా కప్పడం విశేషం.
