- చిన్నారులపై వీధి కుక్కల దాడి
ఇల్లెందు,వెలుగు: వీధి కుక్కల దాడిలో ఇద్దరు చిన్నారులు, ఓ వృద్ధుడు తీవ్రంగా గాయపడిన ఘటన పట్టణంలో శనివారం జరిగింది. స్థానికులు తెలిపిన ప్రకారం పట్టణంలోని 23వార్డులో చింత కీర్తన, ముస్కాన్ అనే చిన్నారులు స్కూల్కు వెళ్లేందుకు స్కూల్ బస్స్టాప్ వద్ద నిలుచున్నారు. అక్కడ గుంపుగా ఉన్న కుక్కలు ఒక్కసారిగా వారి మీద పడి విచక్షణా రహితంగా దాడి చేశాయి. స్థానికులు కుక్కలను చెదరగొట్టి పిల్లల్ని కాపాడారు.
ALSO READ: జిమ్లో గుండెపోటుతో 19 ఏళ్ల యువకుడు మృతి
చిన్నారులకు తీవ్ర రక్తస్రావం కావడంతో ప్రభుత్వాస్పత్రికి తరలించారు. ఈ ఘటన జరిగిన కొద్దిసేపటికే 22వ వార్డు లోని హరిజన బస్తీకి చెందిన ఉసికల చంద్రయ్య అనే వృద్ధుడిపై కుక్కలు దాడి చేసి తీవ్రంగా గాయపరిచాయి. కుక్కల బెడద నుంచి కాపాడాలని మున్సిపల్ అధికారులను ప్రజలు వేడుకుంటున్నారు. హాస్పిటల్లో చికిత్స పొందుతున్న బాధితులను మున్సిపల్ చైర్మన్ వెంకటేశ్వర్లు పరామర్శించారు.
