- రోజుకు సగటున ఆరేడు కేసులు
- దాడిలో ఇప్పటికే ఇద్దరు చిన్నారులు బలి
- వ్యాక్సిన్ ఇచ్చినా దక్కని ప్రాణాలు
- నామ్కేవాస్తేగా సిటీలోని ఏబీసీ సెంటర్
- జాడలేని బర్త్ కంట్రోల్ఆపరేషన్లు
నిజామాబాద్, వెలుగు : జిల్లాలో వీధికుక్కల బెడద జనాన్ని పరేషాన్ చేస్తోంది. ఇంట్లోంచి బయటకు వస్తే చాలు ఏ మూల నుంచి వచ్చి దాడి చేస్తాయో అర్థంకాని పరిస్థితి. గల్లీల్లో గుంపులుగా తిరుగుతూ కనిపించిన వారిపై దాడిచేస్తున్నాయి. ఈ మధ్య కుక్కకాటుతో ఇద్దరు చిన్నారుల మరణించడం తల్లిదండ్రులకు కడుపుకోత మిగిల్చాయి. నగరంలోని జీజీహెచ్ హాస్పిటల్కు నిత్యం ఆరేడుగురికి తగ్గకుండా బాధితులు యాంటీ రేబిస్ ట్రీట్మెంట్ కోసం వస్తున్నారు.
వర్షాల తర్వాత పెరిగిన సంతతి
530 గ్రామాలున్న జిల్లాలో బోధన్, ఆర్మూర్, భీంగల్మున్సిపాలిటీలు. నిజామాబాద్ నగరంలో కార్పొరేషన్ ఉంది. పల్లె, పట్నం తేడా లేకుండా గడిచిన ఆరు నెలల్లో వీధి కుక్కల సంతతి గణనీయంగా పెరిగింది. గతంలో అయిదారు కుక్కలున్న గల్లీల్లో ఇప్పుడు వాటి సంఖ్య 20కి చేరింది. ఉన్నట్లుండి ఒక్కసారిగా దారినపోయే వారిపై పడి తీవ్రంగా గాయపరుస్తున్నాయి.
పసిప్రాణాలు బలి
మాక్లూర్ మండలం కల్లెడ విలేజ్లో ఇంటి బయట ఆడుకుంటున్న ఐదేండ్ల బాలుడు నిశాన్ష్ను వీధి కుక్క తలపై కరిచింది. ట్రీట్మెంట్తీసుకుంటూ ఈ నెల3న మరణించాడు. రెండేండ్ల బాలుడు నబీల్ఖాన్ను వరండాలో కూర్చోబెట్టి తల్లి పాలసీసా తేవడానికి ఇంట్లోకి వెళ్లగా, రెండు నిమిషాల్లోనే కుక్క ఆ చిన్నారిని పట్టేసింది. సిటీకి చెందిన ఈ బాలుడు ట్రీట్మెంట్పొందుతూ డిసెంబర్10న చనిపోయాడు. ఒక్కగానొక్క సంతానం కుక్కకాటుకు చనిపోవడంతో తల్లిదండ్రులకు రోదనే మిగిలింది. నాలుగు రోజుల కింద ఆర్మూర్ టౌన్లో ఏడేండ్ల బాలుడు అభిరాంను కుక్క కరవగా తండ్రి దొండి వినోద్ కుమార్ ఫేస్బుక్, వాట్సాప్లో ఎమ్మెల్యే పైడి రాకేశ్రెడ్డికి పోస్టులు పెట్టారు.
‘మీ ప్రసంగాలు బాగానే ఉన్నాయి? మొదట కుక్కల బెడద నుంచి ప్రజలను కాపాడమని’ కోరారు. యాంటీ రేబిస్ వాక్సిన్ కోసం ప్రతి రోజు కనీసం ఏడుగురు గవర్నమెంట్హాస్పిటల్ కు వస్తున్నారు. ఈనెలలో ఇప్పటిదాకా 176 మంది జీజీహెచ్హాస్పిటల్కు వ్యాక్సిన్ వేయించుకోడానికి వచ్చారు. నవంబర్, డిసెంబర్లో 402 మంది కుక్కకాటుకు గురయ్యారు. కుక్కల బెడదతో ఇంటి బయటకు రావడానికి ప్రజలు జంకుతున్నారు. వీధి దీపాలు లేని కాలనీల్లో పరిస్థిత మరీ దారుణంగా ఉంది.
పేరుకే యానిమల్బర్త్ కంట్రోల్ సెంటర్
గ్రామ పంచాయతీలు, మున్సిపల్ యంత్రాంగంపై వీధి కుక్కల నియంత్రణ బాధ్యత ఉంటుంది. జంతు సంరక్షణ చట్టం ప్రకారం వాటిని చంపడానికి వీల్లేదు. గల్లీ కుక్కలకు ఆహారం, నీళ్ల వసతి కల్పించి జనసంచారం లేని డంపింగ్ యార్డులో వదలాలి. సంతాన పెరుగుదలను ఆపే చర్యలు తీసుకోవాలి. ఇందుకు జిల్లా కేంద్రంలో యానిమల్ బర్త్ కంట్రోల్ సెంటర్(ఏబీసీ) ఉంది. వీధి కుక్కలను ఆ సెంటర్కు తరలించి గవర్నమెంట్ వెటర్నరీ డాక్టర్లతో బర్త్ కంట్రోల్ ఆపరేషన్లు చేసి, కోలుకున్నాక వదిలేయాలి.
వీధి కుక్కుల ఫిర్యాదుల కోసం జిల్లా మొత్తానికి కలిపి సిటీలోని మున్సిపల్ కార్పొరేషన్లో కమిషనర్ మంద మకరంద్ ల్యాండ్ లైన్ ఏర్పాటు చేయగా సిబ్బంది కాల్స్ రిసీవ్ చేసుకోవడం లేదు. కుక్కల బర్త్రేట్ తగ్గించడానికి స్థానిక పాలకులు ఫండ్స్ మంజూరు చేసి ఖర్చు చేయకుండా వదిలేశారు.
