స్మార్ట్ టీవీ కోసం వైఫై బేస్డ్ ఎంటర్టైన్మెంట్ సర్వీస్లు తీసుకొచ్చిన స్ట్రీమ్ బాక్స్ మీడియా, ఇప్పుడు డోర్ ప్లే పేరుతో సరికొత్త యాప్ తీసుకొచ్చింది. ఇది పూర్తిగా ఎంటర్టైన్మెంట్ యాప్.ఈ యాప్ ఉంటే ఓటీటీ కోసం సబ్స్క్రిప్షన్ తీసుకునే అవసరం ఉండదు. ఎందుకంటే ఓటీటీలను ఒకేచోట అందిస్తుంది ఈ యాప్. దీంతో ఒక్క సబ్స్క్రిప్షన్ తీసుకుంటే 20కి పైగా ఓటీటీ, 300కు పైగా లైవ్ టీవీ సర్వీస్లు పొందొచ్చు. అందుకోసం మూడు నెలలకు రూ.399 చెల్లించాల్సి ఉంటుంది. ఇప్పుడు ఈ యాప్ని గూగుల్ ప్లే స్టోర్ నుంచి డౌన్లోడ్ చేసుకోవచ్చు. ఈ యాప్ సబ్స్ర్కిప్షన్ను ఫ్లిప్కార్ట్ ద్వారా ఆఫర్ చేస్తోంది.
సబ్స్క్రిప్షన్ని యాక్టివేట్ చేయాలంటే యాప్ డౌన్లోడ్ చేసి, కూపన్ కోడ్ ఎంటర్ చేయాలి. ఈ యాప్తో డిస్నీ ప్లస్ హాట్ స్టార్, జీ5, సోనీలివ్, లయన్స్ గేట్ ప్లే, సన్ నెక్స్ట్, డాలీవుడ్ ప్లే, డిస్కవరీ ప్లస్, ఫ్యాన్ కోడ్, షెమారు మీ, ఈటీవీ విన్, చౌపాల్, స్టేజ్, ట్రావెల్ ఎక్స్పీ, నమ్మఫిక్స్, ఆహా, రాజ్ డిజిటల్, ప్లే ఫ్లిక్స్, డిస్ట్రో టీవీ, మనోరమ, వీఆర్ ఓటీటీ, ఓటీటీ ప్లస్ వంటివి ఈ యాప్లో ఉంటాయి. అయితే ఇది కేవలం మొబైల్ ఫోన్లలో మాత్రమే పనిచేస్తుంది. టీవీ లేదా ల్యాప్ట్యాప్లలో పనిచేయదని కంపెనీ తెలిపింది.
