హైదరాబాద్ లో ఘోరం జరిగింది. ఇంటి బయట ఆడుకుంటున్న పదేళ్ల బాలుడిపై వీధి కుక్కలు దాడి చేసిన ఘటన హైదరాబాద్ లోని మధురా నగర్ లో ఉన్న కార్మిక నగర్ లో చోటు చేసుకున్నాయి. ఈ దాడిలో మహమ్మద్ అజాన్ అనే పదేళ్ల బాలుడికి తీవ్ర గాయాలయ్యాయి.
వీధి కుక్కల దాడిలో తీవ్రంగా గాయపడ్డ బాలుడిని చికిత్స కోసం స్థానిక హాస్పిటల్ కు తరలించారు. బాలుడికి ప్రాణాపాయమేమి లేకపోవటంతో ఊపిరి పీల్చుకున్నారు తల్లిదండ్రులు. ఈ మధ్య కాలంలో వీధి కుక్కల బెడద ఎక్కువైందని.. పలు మార్లు ఫిర్యాదు చేసినా కూడా అధికారులు పట్టించుకోవట్లేదని వాపోతున్నారు స్థానికులు.
