కాశీబుగ్గ, వెలుగు : కాశీబుగ్గ సర్కిల్లో ఆదివారం స్ర్టీట్ ఫైటింగ్ కలకలం రేపింది. కాశీబుగ్గ పెద్ద మోరీ వద్ద దాదాపు పదిమంది ఆకతాయిలు రెండు గ్రూపులుగా విడిపోయి గొడవపడ్డారు. ఇతేజార్గంజ్ సీఐ శివకుమార్ తెలిపిన వివరాల ప్రకారం.. కాశీబుగ్గలో రెండు గ్రూపుల మధ్య గొడవ జరిగిందని సోషల్ మీడియా ద్వారా తెలిసింది. దీనిపై ఎలాంటి ఫిర్యాదు అందలేదు. అయినా పోలీసులు రెండు గ్రూపులను పట్టుకునేందుకు ప్రయత్నించామని తెలిపారు. ఒక గ్రూపు దేశాయిపేట, మరో గ్రూపు కాశీబుగ్గకు చెందిన్నట్లుగా తెలిసిందని అన్నారు.
మద్యం, డ్రగ్స్ మత్తులో!
మద్యం, డ్రగ్స్ మత్తులో యువకులు నడి రోడ్డు పై ఫైటింగ్ చేసినట్టు తెలుస్తోంది. రోడ్డు పై వెళ్తున్న ప్రజలు భయబ్రాంతులకు గురయ్యారు, వరంగల్, కరీమాబాద్, మండి బజార్, కాశీబుగ్గ, తెలంగాణ జంక్షన్తో పాటు పలు ప్రాంతాల్లో కొన్ని రోజులుగా డ్రగ్స్, లిక్కర్ మత్తులో కొందరు హల్ చల్ చేస్తున్నారు. గతకొన్ని రోజులు వరుస ఘటనలు జరుగుతున్నా యి. ఇప్పటికైనా పోలీసులు నిఘా పెంచాలని స్థానికులు కోరుతున్నారు.
