- నాలెడ్జ్సిటీ రోడ్డులో స్ట్రీట్ వెండర్స్ ఆందోళన
- తమకూ న్యాయం చేయాలని డిమాండ్
మాదాపూర్, వెలుగు: ఐటీ కారిడార్ నాలెడ్జ్సిటీ రోడ్డులోని ఫుట్పాత్లపై వెలసిన ఫుడ్ స్టాల్స్ను తొలగించడంతో స్ట్రీట్వెండర్లు గురువారం ఆందోళనకు దిగారు. సోషల్మీడియాలో ఫేమస్అయిన కుమారి ఆంటీకో న్యాయం.. తమకో న్యాయమా అంటూ ప్రశ్నించారు. ఎలాంటి సమాచారం ఇవ్వకుండా టీజీఐఐసీ, ట్రాఫిక్పోలీసులు తమ స్టాల్స్ను తొలగించారని మండిపడ్డారు. ఐటీసీ కోహినూర్పక్కన ఉన్న నాలెడ్జ్సిటీ రోడ్డులోని ఫుట్పాత్ లపై కొంతకాలంగా ఫుడ్ స్టాల్స్నడుస్తున్నాయి.
వీటిలోనే సోషల్మీడియాలో ఫేమస్అయిన కుమారి ఆంటీ ఫుడ్స్టాల్కూడా ఉంది. ఫుడ్స్టాల్స్ కు వచ్చేవారి వెహికల్స్కారణంగా రోజూ ట్రాఫిక్సమస్యలు తలెత్తుతున్నాయి. దీంతో అక్కడికి దగ్గర్లోని ఖాళీ జాగాలోకి ఫుడ్స్టాల్స్ను తరలించేందుకు టీజీఐఐసీ, ట్రాఫిక్ పోలీసులు సిద్ధమయ్యారు. అయితే ఇప్పటికే ఆ ఖాళీ స్థలంలో ఉన్న 40 స్ట్రీట్ఫుడ్స్టాల్స్ ను పోలీసులు బుధవారం తొలగించారు. దీంతో ఆ షాపుల నిర్వాహకులు గురువారం ఆందోళనకు దిగారు. కుమారి ఆంటీకి మాదిరిగా తమకు కూడా న్యాయం చేయాలని సీఎం రేవంత్రెడ్డిని కోరారు. తమపై కక్షపూరితంగా వ్యవహరించడం కరెక్ట్కాదని ఆవేదన వ్యక్తం చేశారు.
