ఆర్మూర్, వెలుగు: నకిలీ విత్తనాలు, ఎరువులు, పురుగుమందులు విక్రయిస్తే కఠిన చర్యలు తీసుకుంటామని ఆర్మూర్అగ్రికల్చర్ఆఫీసర్ హరికృష్ణ సీడ్వ్యాపారులను హెచ్చరించారు. లో శుక్రవారం ఎవో హరికృష్ణ, తహసీల్దార్ గజానన్, సీఐ రవికుమార్ స్టాఫ్ తో కలిసి సీడ్ షాపులను తనిఖీ చేశారు. స్టాక్, రిజిస్టర్లను పరిశీలించి, గోదాంలను చెక్ చేశారు. నాణ్యమైన కంపెనీ విత్తనాలను అమ్మాలని సూచించారు. కొనుగోలు చేసిన వాటికి తప్పకుండా రశీదు ఇవ్వాలని చెప్పారు.
ఎడపల్లి: నకిలీ విత్తనాల కట్టడికి ఏర్పాటు చేసిన స్పెషల్టాస్క్ఫోర్స్టీం శుక్రవారం మండల కేంద్రంలో పలు ఎరువుల షాపులను తనిఖీ చేశారు. ఈ టీంలో తహసీల్దార్ ధన్వాల్, ఎస్ఐ క్రిష్ణారెడ్డి, వ్యవసాయ అధికారి సిద్ది రామేశ్వర్ ఉన్నారు. ముగ్గురూ కలిసి విత్తనాలు, పురుగుమందుల స్టాక్ రిజిస్టర్లను చెక్ చేశారు. డీలర్లు రైతులకు విత్తనాలు ఇచ్చేటప్పుడు తప్పకుండా రశీదు ఇవ్వాలని సూచించారు . కల్తీ విత్తనాలు అమ్మొద్దని ఎప్పటికప్పుడూ స్టాక్ రిజిస్టర్ మెయింటైన్ చేయాలన్నారు. లైసెన్స్ లేని దుకాణదారులు విత్తనాలు అమ్మితే చట్టరీత్యా చర్యలు తీసుకుంటామని
హెచ్చరించారు.
