ఇంగ్లండ్ వెటరన్ పేసర్ స్టువర్ట్ బ్రాడ్.. ఆ జట్టు ఆల్‌రౌండర్ క్రిస్ వోక్స్ పై ప్రశంసలు కురిపించాడు. క్రిస్ వోక్స్ అసాధారణమైన ఆటగాడని కొనియాడిన బ్రాడ్.. అతనంటే తన భార్య మోలీకి చాలా ఇష్టమని వెల్లడించాడు. తన సతీమణి ఫేవరేట్ క్రికెటర్ కూడా అతనేనని చెప్పుకొచ్చాడు.
"క్రిస్ వోక్స్ అద్భుతమైన ఆటగాడు. నా సతీమణి మోలీ ఫేవరేట్ ప్లేయర్ కూడా అతనే. ఓసారి అలాంటి సంభాషణ మామధ్య జరిగింది. తనకు వోక్స్ ఇష్టమైన ప్లేయర్ అని చెప్పింది. వెంటనే నేను కల్పించుకొని.. మరీ నేను? అని అడిగాను. దానికి ఆమె.. క్రిస్ వోక్స్ తర్వాతే నువ్వు అని మొహమాటం లేకుండా చెప్పింది. ఇది అతనికి దక్కిన అతిపెద్ద ప్రశంస. ఇంగ్లండ్ రెండు సార్లు ప్రపంచ కప్ గెలిచిందంటే.. అందులో అతను ప్రమేయం చాలా ఉంది. ముఖ్యంగా హెడింగ్లీ వేదికగా జరిగిన మూడో టెస్ట్‌లో బాగా రాణించాడు.." అని బ్రాడ్ తెలిపాడు.
Mollie King prefers Chris Woakes to her fiancee, Stuart Broad ? pic.twitter.com/uzuMaVNYuV
— England's Barmy Army ???????? (@TheBarmyArmy) July 17, 2023
కాగా, మూడో టెస్టులో బౌలింగ్‌లో 6 వికెట్లు తీసిన వోక్స్.. బ్యాటింగ్‌లోనూ మెప్పించాడు. మార్క్ వుడ్‌తో విలువైన భాగస్వామ్యం నెలకొల్పిన వోక్స్.. జట్టును విజయతీరాలకు చేర్చాడు. ఇక, ఆస్ట్రేలియాతో జరుగుతున్న యాషెస్ సిరీస్‌లో మూడో టెస్టులో విజయాన్ని అందుకున్న ఇంగ్లండ్.. నాలుగో టెస్ట్‌కు సిద్దమవుతోంది. బుధవారం(జూలై 19) నుంచి మాంచెస్టర్ వేదికగా నాలుగో టెస్ట్‌ ప్రారంభం కానుంది.
