హాలియా, వెలుగు : వచ్చే నెల 1, 2 తేదీల్లో ఖమ్మం జిల్లా కొత్తగూడెంలో అండర్ --17 విభాగంలో జరగనున్న రాష్ర్టస్థాయి ఫుట్బాల్ పోటీలకు నల్లగొండ జిల్లా హాలియా పట్టణానికి చెందిన విద్యార్థి చింతల చెరువు తేజు ఎంపికయ్యాడు. ఆదివారం ఉమ్మడి నల్గొండ జిల్లా స్థాయి స్కూల్ గేమ్స్ ఫెడరేషన్ ఆధ్వర్యంలో నిర్వహించిన ఫుట్బాల్ పోటీల్లో తేజు రాష్ట్రస్థాయికి ఎంపికయ్యాడు.
ఈ ఫుట్బాల్ టీంకు తేజు కెప్టెన్గా వ్యవహరించనున్నారు. ప్రస్తుతం అతడు చండూరు తెలంగాణ సోషల్ వెల్ఫేర్ స్కూల్లో పదో తరగతి చదువుతున్నాడు. రాష్ట్ర స్థాయికి ఫుట్బాల్ పోటీలకు ఎంపికైన విద్యార్థిని ఎమ్మెల్సీ కోటిరెడ్డి, ప్రిన్సిపాల్ కె.అర్జున్, కోచ్ లింగ్యా నాయక్ అభినందించారు.
