- మానసిక ఒత్తిడే కారణమని పోలీసుల వెల్లడి
కూకట్పల్లి, వెలుగు: హైదరాబాద్లోని కూకట్పల్లిలో గల జేఎన్టీయూ బిల్డింగ్పై నుంచి దూకి విద్యార్థిని సూసైడ్ చేసుకుంది. అనారోగ్య సమస్యలు, తీవ్రమైన మానసిక ఒత్తిడి కారణంగానే విద్యార్థిని ఆత్మహత్య చేసుకుందని ప్రాథమిక దర్యాప్తు ఆధారంగా పోలీసులు తెలిపారు. ఏపీలోని నెల్లూరుకు చెందిన మనోజ్కుమార్రెడ్డి కూకట్పల్లి వివేకానందనగర్ కాలనీలో స్థిరపడ్డారు. ఇతని కూతురు మేఘనారెడ్డి(21) జేఎన్టీయూలో సీఎస్యూ గ్రూప్ఫోర్త్ ఇయర్ చదువుతోంది. ఎంసెట్లో 200 ర్యాంక్ సాధించిన మేఘన బీటెక్లో కూడా మంచి పర్సెంటేజీ మార్కులతో పాసవుతూ వస్తోంది. అయితే, కొంతకాలంగా అనారోగ్య సమస్యలతో తీవ్ర మానసిక ఒత్తిడికి గురవుతోంది. దీనికోసం ట్రీట్మెంట్ కూడా తీసుకుంటోంది. ఈ విషయంలో కుటుంబ సభ్యులతో పాటు వర్సిటీ అధ్యాపకులు కూడా మేఘన పట్ల ప్రత్యేక శ్రద్ధ తీసుకుంటుండేవారు. కొన్ని రోజులుగా మేఘన తల్లి మధ్యాహ్నం స్వయంగా లంచ్ బాక్స్ తీసుకువచ్చి కూతురికి తినిపించి వెళ్తోంది. బుధవారం మధ్యాహ్నం కూడా ఆమె వచ్చి లంచ్ తినిపించి వెళ్లింది. ఆ తర్వాత 3 గంటల సమయంలో మేఘన వర్సిటీ బిల్డింగ్మూడో అంతస్తు నుంచి కిందకు దూకింది. వెంటనే వర్సిటీ సిబ్బంది, స్టూడెంట్స్ ఆమెను సమీపంలోని ప్రైవేటు హాస్పిటల్కు తరలించారు. అక్కడ డాక్టర్లు ట్రీట్మెంట్ఇస్తుండగానే మేఘనారెడ్డి మృతి చెందింది. కేపీహెచ్బీ పోలీసులు కేసు నమోదు చేసి దర్యాప్తు చేస్తున్నారు.
