వెలుగు: పరీక్షల్లో తాము చిట్టీలు పెట్టకుండా స్ట్రిక్ట్ చేశారని ఇన్విజిలేటర్పై స్టూడెంట్స్ దాడి చేశారు. ఈ ఘటన బుధవారం భైంసాలో చోటుచేసుకుంది . వివరాల్లోకి వెళ్తే.. బుధవారం ఇంటర్ ఎగ్జామ్స్ ముగిశాయి. చివరి రోజు పట్టణంలో రాష్ట్ర పరిశీలకులు పలు సెంటర్లలో తనిఖీలు చేస్తున్నారు. ఈ సమాచారం అందుకున్న ఇక్కడి సెంటర్ల నిర్వాహకులు మాస్ కాపీయింగ్ జరగకుండా ఇన్విజిలేటర్లు స్ట్రిక్ట్ చేశారు. ఓ ప్రైవేట్ కాలేజీలో తమను మాస్ కాపీయింగ్ చేయనీయలేదని కొందరు పరీక్ష తరువాత ఇన్విజిలేటర్ పై దాడికి పాల్పడ్డారు. దాడి చేస్తూ బూతులు తిట్టడంతో పాటు ఫర్నిచర్ ధ్వంసం చేశారు. సిబ్బంది పై సైతం దాడికి పాల్పడ్డారు. దీంతో ఇన్విజిలేటర్ స్టూడెంట్స్పై పోలీసులకు ఫిర్యాదు చేశారు. దాడికి పాల్పడిన పది మంది స్టూడెంట్స్పై పోలీసులు కేసు నమోదు చేశారు.
