- సోషల్ వెల్ఫేర్ గురుకులంలో ఘటన
జడ్చర్ల టౌన్, వెలుగు: మహబూబ్నగర్ జిల్లా జడ్చర్లలోని పోచమ్మ తండా సోషల్వెల్ఫేర్ గురుకులంలో జూనియర్లపై సీనియర్ స్టూడెంట్లు దాడి చేయడం కలకలం రేపింది. విషయం తెలుసుకున్న బాధిత స్టూడెంట్ల పేరెంట్స్ స్కూల్కు చేరుకొని ఆందోళనకు దిగారు. బుధవారం రాత్రి తమను ఇంటర్ చదువుతున్న స్టూడెంట్స్ చితకబాదారని 13 మంది టెన్త్ స్టూడెంట్స్ వాపోయారు. ఆ సమయంలో వారు మద్యం తాగి ఉన్నాయని ఆరోపించారు.
తమకు ఎదురు తిరుగుతున్నారని, అడిగిన దానికి సరిగా సమాధానం ఇవ్వడం లేదని, తాము సీనియర్లం తమకే ఎదురు మాట్లాడతారా? అంటూ కొట్టారని వాపోయారు. ఇదిలాఉంటే గాయాలపాలైన విద్యార్థులు తమ పేరెంట్స్కు సమాచారం ఇవ్వడంతో గురువారం గురుకులానికి చేరుకొని ఆందోళనకు దిగారు. తమ పిల్లల గాయాలను ఆఫీసర్లకు చూపించి వారిని నిలదీశారు. దాడి చేస్తుంటే మీరేం చేశారని ప్రిన్సిపాల్, సిబ్బందిని నిలదీశారు.
ఈ ఘటనపై ప్రిన్సిపాల్ శ్రీధర్ రావు పోలీసులకు సమాచారం అందించారు. స్కూల్కు వచ్చిన పోలీసులు దాడికి పాల్పడిన స్టూడెంట్లను మందలించి కౌన్సెలింగ్ ఇచ్చారు. టీచర్ల నిర్లక్ష్యం వల్లే తమ పిల్లలు గాయపడ్డారని పేరెంట్స్ ఆవేదన వ్యక్తం చేశారు. నిర్లక్ష్యంగా వ్యవహరించిన ప్రిన్సిపాల్ తో పాటు సిబ్బందిపై చర్యలు తీసుకోవాలని డిమాండ్ చేశారు.
