మంచిర్యాల, వెలుగు: మంచిర్యాల సాయికుంటలోని ట్రైబల్ వెల్ఫేర్ గర్ల్స్ రెసిడెన్షియల్ స్కూల్లో బుధవారం 12 మంది టెన్త్ క్లాస్ స్టూడెంట్స్ అస్వస్థతకు గురయ్యారు. స్కూల్లో ఉన్న160 మంది స్టూడెంట్లు ఉదయం కిచిడి తిన్నారు. ఇందులో ఒకే క్లాస్కు చెందిన 12 మందికి కడుపులో తిప్పడం, ఒకరిద్దరికి వాంతులు కావడంతో వెంటనే మంచిర్యాల గవర్నమెంట్ జనరల్ హాస్పిటల్కు తరలించారు. విషయం తెలుసుకున్న కలెక్టర్ కుమార్ దీపక్ హాస్పిటల్కు వెళ్లి స్టూడెంట్ల పరిస్థితి అడిగి తెలుసుకున్నారు. ప్రత్యేక వైద్యనిపుణుల పర్యవేక్షణలో వారికి మెరుగైన ట్రీట్మెంట్ అందిస్తున్నామని తెలిపారు.
స్కూల్లో హెల్త్ క్యాంప్ ఏర్పాటు చేసి మిగిలిన విద్యార్థుల పరిస్థితిని పర్యవేక్షిస్తున్నామని చెప్పారు. ఫుడ్ సేఫ్టీ అధికారుల ద్వారా విద్యార్థులకు పెట్టిన ఫుడ్, వాటర్ శాంపిల్స్, స్టూడెంట్లు ఇండ్ల నుంచి తెచ్చుకున్న పచ్చళ్ల శాంపిల్స్ను టెస్టుల కోసం ల్యాబ్కు పంపామని తెలిపారు. హాస్టల్లో ఆర్వో వాటర్నే తాగుతున్నారని, ప్రస్తుతం స్టూడెంట్ల పరిస్థితి బాగానే ఉందని తెలిపారు. ఫుడ్ పాయిజన్ జరిగినట్లు తేలితే బాధ్యులపై యాక్షన్ తీసుకుంటామని స్పష్టం చేశారు.
