ముషీరాబాద్, వెలుగు: బాగ్ లింగంపల్లిలోని కాకా బీఆర్ అంబేద్కర్ విద్యాసంస్థలకు చెందిన స్టూడెంట్లు జాతీయ స్థాయి ఆటల పోటీల్లోనూ సత్తా చాటుతున్నారు. అంబేద్కర్ కాలేజీలో బీకామ్ థర్డ్ ఇయర్ చదువుతున్న కొమరవెల్లి మిథిలేశ్ ఈ నెల 20న జరిగిన 36వ షోటోకాన్ చాంపియన్ షిప్–2022లో గోల్డ్ మెడల్తో పాటు గ్రాండ్ చాంపియన్ షిప్ టైటిల్ను దక్కించుకున్నాడు. వచ్చే ఏడాది జనవరి 27 నుంచి 29 వరకు జపాన్ కరాటే అసోసియేషన్ ఆఫ్ ఇండియా ఆధ్వర్యంలో గోవాలో జరగనున్న 40వ జాతీయ స్థాయి పోటీల్లోనూ మిథిలేశ్ పార్టిసిపేట్ చేయనున్నాడు. ఈ సందర్భంగా అంబేద్కర్ విద్యాసంస్థల కరస్పాండెంట్ సరోజా వివేక్, స్టాఫ్ కరాటే క్రీడాకారుడు మిథిలేశ్ను అభినందించారు. చదువుతో పాటు ఆటల్లోనూ స్టూడెంట్లు రాణించేలా ప్రోత్సహిస్తున్నామని వారు తెలిపారు.
