- షాద్నగర్ చౌరస్తాలో భారీ ట్రాఫిక్ జామ్
షాద్ నగర్, వెలుగు : సమయానికి బస్సులు రాకపోవడంతో కాలేజీలకు లేటుగా వెళ్లాల్సి వస్తోందని వందల మంది స్టూడెంట్లు గురువారం షాద్నగర్లో రోడ్డెక్కారు. స్థానిక చౌరస్తాలో ఏఐఎస్ఎఫ్ ఆధ్వర్యంలో పెద్ద ఎత్తున ఆందోళన నిర్వహించారు. దీంతో అరగంట సేపు వెహికల్స్రాకపోకలు నిలిచిపోయాయి. కేశంపేట, కొందుర్గు, చౌదరిగూడతోపాటు చుట్టుపక్కల గ్రామాల నుంచి రోజూ షాద్ నగర్ కు రాకపోకలు సాగిస్తున్నామని
అవసరమైన టైంలో బస్సులు అందుబాటులో ఉండడం లేదని వాపోయారు. దీంతో రోజూ క్లాసు మిస్అవుతున్నామని చెప్పారు. ఇప్పటికైనా ఆర్టీసీ అధికారులు స్పందించి ఉదయం, సాయంత్రం వేళల్లో బస్సులు ఏర్పాటు చేయాలని లేకుంటే ఆందోళనను ఉధృతం చేస్తామని హెచ్చరించారు. అంతలోకి అక్కడికి చేరుకున్న పోలీసులు బలవంతంగా స్టూడెంట్లను అరెస్ట్ చేశారు.
