బెల్లంపల్లి రూరల్, వెలుగు: కన్నెపల్లి మండల కేంద్రంలోని కేజీబీవీ హాస్టల్ను బుధవారం రాత్రి బెల్లంపల్లి జూనియర్ సివిల్ జడ్జి మండల లీగల్ సర్వీస్ చైర్మన్ జె.ముఖేశ్ సందర్శించారు. ఈ సందర్భంగా స్టూడెంట్లకు అందుతున్న వసతులపై ఆరా తీశారు. వారికి అందిస్తున్న భోజనాన్ని పరిశీలించారు. ప్రతిపూటా స్టూడెంట్లకు సరిపడా భోజనం అందించాలన్నారు.
చట్టాలపై అవగాహన కల్పించారు. ఇదే క్రమంలో స్కూల్లోకి పాము రావడంతో స్టూడెంట్లు ఒక్కసారిగా భయాందోళనకు గురయ్యారు. పోలీసులు, న్యాయవాదులు పామును చంపడంతో అంతా ఊపిరి పీల్చుకున్నారు. ప్రహరీ లేకపోవడంతో పాములు వస్తున్నాయని టీచర్లు తెలిపారు. దీంతో జడ్జి.. ఎంఈఓకు ఫోన్ చేసి ప్రహరీ నిర్మాణంపై అడిగి తెలుసుకున్నారు. కోర్టుకు హాజరై వివరణ ఇవ్వాలన్నారు. సీనియర్ న్యాయవాదులు గోపీ కిషన్ సింగ్, రవికుమార్, శివ తదితరులున్నారు.
