హైదరాబాద్ సిటీ, వెలుగు: జీహెచ్ఎంసీ పరిధిలో అమలు చేస్తున్న పథకాలపై అధ్యయనం చేయడానికి గురువారం ఏపీ నుంచి మున్సిపల్ఆఫీసర్ల టీమ్ వచ్చింది. బల్దియా హెడ్డాఫీసులో ట్యాక్స్, ఫైనాన్స్, సీఆర్‌ఎంపీ, సాలిడ్ వేస్ట్ మేనేజ్మెంట్ విభాగాలు తీసుకుంటున్న చర్యలను తెలుసుకుంది.
అడిషనల్ కమిషనర్లు స్నేహ శబరీశ్, గీత రాధిక, సీఆర్‌ఎంపీ విభాగంలో సీఈ భాస్కర్ రెడ్డి, ఫైనాన్స్ అడ్వైజర్ శరత్ చంద్ర, సాలిడ్ వేస్ట్ మేనేజ్మెంట్‌లో ఎస్ఈ కోటేశ్వర రావు, చీఫ్ వాల్యుయేషన్ ఆఫీసర్ మహేశ్ కులకర్ణి పవర్ పాయింట్ ప్రజెంటేషన్ ద్వారా వివరించారు.
ఏపీ అధికారుల టీమ్లో గుంటూరు కమిషనర్ పులి శ్రీనివాసులు, ఈఈ సుందర రామిరెడ్డి, ఏలూరు కమిషనర్ భాను ప్రతాప్, ఏఈ ఎలక్ట్రికల్ శేషగిరిరావు, రెవెన్యూ ఇన్స్పెక్టర్ నంబూరి రవి, నెల్లూరు మున్సిపల్ కార్పొరేషన్ ఎస్ఈ గిరిధర్, గ్రేటర్ విశాఖపట్నం మున్సిపల్ కార్పొరేషన్ ఎస్ఈ కాలూరి వెంకట నాగరవి, మనోజ్ కుమార్ తదితరులు ఉన్నారు.
