కొత్త తరహా కాన్సెప్టులు, డిఫరెంట్ రోల్స్‌‌తో తనకంటూ ఓ స్పెషల్ ఇమేజ్ తెచ్చుకున్న సత్యదేవ్..ప్రస్తుతం వరుస ప్రాజెక్టులతో బిజీగా ఉన్నాడు.వాటిలో ఒకటి ‘జీబ్రా’. లక్‌ ఫేవర్స్‌ ది బ్రేవ్‌ అనేది ట్యాగ్ లైన్. సత్యదేవ్, కన్నడ స్టార్ డాలీ ధనుంజయ్ హీరోలుగా ఈశ్వర్ కార్తీక్ తెరకెక్కిస్తున్న చిత్రం నుంచి తాజాగా ఫస్ట్ లుక్ పోస్టర్ విడుదలైంది.
ఇవాళ (జూలై 4) ఆయన బర్త్డే స్పెషల్గా రిలీజ్ చేసిన ఈ పోస్టర్ ఇంటెన్స్గా ఉంది.ఈ పోస్టర్ లో సత్యదేవ్ సూట్ లో స్టైలిష్ అవతారంలో కనిపిస్తున్నాడు.కానీ,ఆయన ముఖం సీరియస్ లుక్స్ తో చాలా గంభీరంగా కనిపిస్తున్నాడు.ఇకపోతే సత్యదేవ్ భుజం మీద ఒక చేత్తో సంచి పట్టుకుని, మరో చేతిలో పెన్ను పట్టుకుని నడుస్తూ..కాస్త కోపంగా చూస్తున్నట్లు కనిపిస్తుంది.బ్యాక్గ్రౌండ్ పోస్టర్లో కరెన్సీ నోట్లతో పోస్టర్ డిజైన్ చేయడంతో బ్లఫ్ మాస్టర్ లాంటి సాలిడ్ మూవీ సత్యదేవ్ వస్తున్నట్లు తెలుస్తోంది.
‘రియల్ ఇన్సిడెంట్స్ ఆధారంగా,ఆర్థిక నేరాల నేపథ్యంలో క్రైమ్ యాక్షన్ ఎంటర్‌ టైనర్‌‌‌‌గా రూపొందుతోన్న ఈ సినిమాకి ‘కేజీఎఫ్’ ఫేమ్ రవి బస్రూర్‌ మ్యూజిక్ అందిస్తున్నాడు.సత్యరాజ్ కీలక పాత్ర పోషిస్తున్న ఈ చిత్రంలో సునీల్,గరుడ రామచంద్రరాజు ఇతర పాత్రల్లో నటిస్తున్నారు.ఓల్డ్ టౌన్ పిక్చర్ పై బాల సుందరం, దినేష్ సుందరంలు సంయుక్తంగా నిర్మిస్తున్నారు. తెలుగు,తమిళ,కన్నడ మలయాళ, హిందీ భాషల్లో జీబ్రా విడుదల కానుంది.
