బిగ్బాస్ సీజన్ 7లో అందం అమాయకత్వంతో ఆడియెన్స్ను ఆకట్టుకుంది శుభ శ్రీ రాయగురు. ఈ షో నుంచి ఈ బ్యూటీ అనూహ్యంగా ఎలిమినేట్ ఐన సంగతి తెలిసిందే. మరోసారి రీ ఎంట్రీ ఇస్తుందని ఆమె ఫ్యాన్స్ ఆశపడినా అది జరగలేదు. బిగ్బాస్ ఉల్టా పుల్టా గేమ్తో వారి ఆశలకు గండిపడింది. ఈ నటి పెట్టిన తాజా పోస్ట్ చూసిన వారంతా తను హౌస్లోకి వెళ్లకపోవడమే మంచిదైందని సంబరపడుతున్నారు. ఎందుకంటే ఈ గ్యాప్లో ఓ ప్యాన్ ఇండియా మూవీలో ఈ ముద్దుగుమ్మ చాన్స్ కొట్టేసింది. సుజీత్ దర్శకత్వంలో పవన్ కల్యాణ్ హీరోగా వస్తున్న ‘ఓజీ’లో శుభశ్రీ నటిస్తోంది. ఈ విషయాన్ని నెట్టింట పోస్ట్ చేసి షాకిచ్చింది. తనపై విశ్వాసం ఉంచిన సుజీత్కు థ్యాంక్స్ చెప్తూ అతడితో ఉన్న ఫొటోను పోస్ట్ చేయడంతో వైరల్గా మారింది.
