నిజామాబాద్, వెలుగు: జిల్లాలో కాంగ్రెస్ను మరింత బలోపేతం చేయడానికి మాజీ మంత్రి మండవ వెంకటేశ్వర రావును పార్టీలోకి ఆహ్వానించామని మాజీ మంత్రి సుదర్శన్రెడ్డి పేర్కొన్నారు. మాజీ ఎమ్మెల్యే ఆకుల లలితను ఆహ్వానించలేదన్నారు. గురువారం ఆయన నిజామాబాద్లోని డీసీసీ కార్యాలయంలో మీడియాతో మాట్లాడారు. మండవకు టికెట్గ్యారెంటీ ఇచ్చారా అని ప్రశ్నించగా లాంటిదేమీ లేదన్నారు.
బీఆర్ఎస్గవర్నమెంట్లో ప్రజల పడుతున్న కష్టాలను తెలుసుకొని భరోసానివ్వడానికి వస్తున్న రాహుల్ను ఎమ్మెల్సీ కవిత టూరిస్టుగా వ్యాఖ్యానించడం సరికాదన్నారు. కాంగ్రెస్ పార్టీ దేశానికి ఎంతో సేవ చేసిందని, ఆ కుటుంబానికి చెందిన నేత గురించి చులకనగా మాట్లాడడం సరికాదన్నారు. ఎమ్మెల్సీ కవితకు రాహుల్ పై కామెంట్ చేసే స్థాయి లేదన్నారు. టీపీసీసీ వర్కింగ్ ప్రెసిడెంట్మహేశ్గౌడ్ మాట్లాడుతూ రాష్ట్రంలో కాంగ్రెస్హవా నడుస్తుందన్నారు. డీసీసీ అధ్యక్షుడు మానాల మోహన్రెడ్డి, మాజీ ఎమ్మెల్సీలు అరికెల నర్సారెడ్డి, డాక్టర్భూపతిరెడ్డి, తాహెర్, కేశవేణు పాల్గొన్నారు.
ఇయ్యాల రాహుల్ పర్యటన
ఆర్మూర్కు శుక్రవారం ఏఐసీసీ అగ్రనేత రాహుల్గాంధీ వస్తున్నారు. జిల్లా సరిహద్దులోని కమ్మర్పల్లికి మధ్నాహ్నం 1.30 నిమిషాలకు చేరుకొని మోర్తాడ్ బస్టాండ్వద్ద కార్నర్ మీటింగ్ నిర్వహిస్తారు. అక్కడి నుంచి పెర్కిట్హైవే బ్రిడ్జి మీదుగా బస్సుయాత్ర ర్యాలీతో 3 గంటలకు అంబేద్కర్చౌరస్తా చేరుకొని కార్నర్ మీటింగ్లో ప్రసంగిస్తారు. అనంతరం శంషాబాద్ఎయిర్పోర్ట్కు వెళ్తారు. సమయాభావంతో నిజామాబాద్, బోధన్ ప్రోగ్రామ్స్ను రద్దు చేశారు.
