హైదరాబాద్లో మోమోస్ తిని మహిళ మృతి చెందగా.. పలువురు తీవ్ర అస్వస్థతకు గురైన విషయం తెలిసిందే. ఈ ఘటనతో ఫుడ్ సేఫ్టీ అధికారులు అలర్ట్ అయ్యారు. మంగళవారం (అక్టోబర్ 29) హైదరాబాద్లోని మోమోస్ తయారీ కేంద్రాలపై ఫుడ్ సేఫ్టీ అధికారుల ఆకస్మిక తనిఖీలు చేశారు.
గ్రేటర్ హైదరాబాద్ పరిధిలో ఉన్న 110 మోమోస్ తయారీ కేంద్రాల్లో రైడ్స్ నిర్వహించారు. 69 మోమోస్ తయారీ కేంద్రాల్లో అధికారులు శాంపిల్స్ సేకరించారు. అన్ హైజినిక్గా మోమోస్ తయారు చేస్తున్నట్లు గుర్తించారు. ఫుడ్ సేఫ్టీ నిబంధనలు ఉల్లంఘించి మోమోస్ తయారు చేస్తున్న కేంద్రాలపై కఠిన చర్యలు తీసుకుంటామని అధికారులు ఈ సందర్భంగా హెచ్చరించారు.
