ప్రపంచవవ్యాప్తంగా రోజు రోజుకు మధేమేహం ( Sugar) పేషంట్లు పెరిగిపోతున్నారు. మధుమేహం వచ్చిదంటే ఆహారాన్ని కంట్రోల్ చేస్తారు. ఎంత కంట్రోల్ చేసినా డయాబెటిస్ వచ్చిదంటే జీవితాంతం ఉంటుంది. అయితే ఇలాంటి వారికి ఏ చిన్న దెబ్బ తగిలినా.. ఎలాంటి ఆరోగ్య సమస్య వచ్చినా కోలుకోవడం చాలా కష్టం. గాయపడినప్పుడు గాయాలు తొందరగా మానవు. డయాబెటిస్ వ్యక్తులకు గాయాలైతే త్వరగా ఎందుకు మానవో ఇప్పుడు తెలుసుకుందాం.
మధుమేహ వ్యాధిగ్రస్తులు రోజురోజుకు పెరిగిపోతున్నారు. ఒక్కసారి డయాబెటిస్ వ్యాధికి గురైతే దాని నుండి కోలుకోవాలంటే చాలా కష్టం అనే చెప్పాలి. ముఖ్యంగా వీరు తినే ఆహారం, జీవనశైలిలో చాలా మార్పులు చేయాల్సి ఉంటుంది. డయాబెటిస్ తో బాధపడే వారికి ఎటువంటి సమస్య వచ్చినా కూడా కోలుకోవడం చాలా కష్టం. ఇది కాకుండా, గాయపడినప్పుడు వారి గాయాలు త్వరగా మానవు. కానీ ఇలా ఎందుకు జరుగుతుందో చాలా మందికి తెలియదు. అందుకే సాధ్యమైనంత వరకు దెబ్బలు తగలకుండా చూసుకోవాలి.
- డయాబెటిస్‌తో బాధఫడేవారిలో రోగనిరోధక వ్యవస్థ బలహీనంగా మారుతుంది. దీని కారణంగా ఫంగల్ ఇన్ఫెక్షన్ ప్రమాదం పెరుగుతుంది. శరీరంలోని క్రిములతో పోరాడలేకపోతుంది. శిలీంధ్రాలు, బ్యాక్టీరియాతో పోరాడే శక్తి తగ్గినప్పుడు, శరీరం స్వయంచాలకంగా బలహీనంగా మారుతుంది. దీని కారణంగా గాయాలైతే అవి మానడానికి చాలా సమయం పడుతుంది.
- శరీరంలోని రక్తంలో గ్లూకోజ్ స్థాయి 200mg/dl కంటే ఎక్కువగా పెరిగినప్పుడు, రక్తంలో గ్లూకోజ్ అధికంగా ఉండటం వల్ల కీమోటాక్సిస్, ఫాగోసైటోసిస్ వంటి ప్రక్రియలు ప్రభావితమవుతాయి. దీనివల్ల మధుమేహ వ్యాధిగ్రస్తుల గాయాలు మానడానికి ఎక్కువ సమయం పడుతుంది.
- మధుమేహం కారణంగా రక్తంలో చక్కెర స్థాయి పెరగడం వల్ల రక్త ప్రసరణ తగ్గుతుంది. తత్ఫలితంగా, గాయాలకు పోషకాహారం అందించడంలో ఇబ్బంది ఉంటుంది. సరిగ్గా నయం కావడానికి ఎక్కువ సమయం పడుతుంది.
- డయాబెటిక్ పేషెంట్లలో అధిక రక్త చక్కెర స్థాయి కారణంగా, గాయమైతే దాని ఇన్ఫెక్షన్ ప్రమాదం పెరుగుతుంది. ఈ ఇన్ఫెక్షన్ వారి గాయాలు మంటను కలిగిస్తాయి. ఇది వారి వైద్యం ఆలస్యం, గాయాలు నయం చేయడానికి ఎక్కువ సమయం పడుతుంది.
- డయాబెటిక్ పేషెంట్లలో ఎర్ర రక్తకణాలు గాయాలకు చేరడంలో బలహీనంగా ఉంటాయి. వారి రక్తంలో చక్కెర అధికంగా ఉండటం వల్ల ఇది జరుగుతుంది. దీని కారణంగా, ఎర్ర రక్తకణాలు వాటి పోషణను గాయాలకు అందించలేవు. అందువల్ల, డయాబెటిక్ రోగుల గాయాలు మానడానికి ఎక్కువ సమయం పడుతుంది.
