సుల్తానాబాద్, వెలుగు: రైతులకు సేవలు అందించడంలో, ఆర్థిక పరిపుష్టి సాధించడంలో రాష్ట్రంలోనే అగ్రగామిగా నిలిచిన సుల్తానాబాద్ పీఏసీఎస్ (పాక్స్)కు మరో అరుదైన గౌరవం దక్కిందని సొసైటీ చైర్మన్, కేడీసీసీబీ డైరెక్టర్ శ్రీగిరి శ్రీనివాస్ తెలిపారు. మండలంలోని నీరుకుల్ల, గట్టేపల్లి, కదంబాపూర్, కాట్నపల్లి, కొమండ్లపల్లి గ్రామాల్లో సోమవారం వడ్ల కొనుగోలు సెంటర్లను ఎంపీపీ బాలాజీ రావు తో కలిసి ఆయన ప్రారంభించారు. ఈ సందర్భంగా మాట్లాడుతూ, టెస్కాబ్ వారు సీటీఐ ద్వారా సుల్తానాబాద్ పీఎసీఎస్ సక్సెస్ స్టోరీని రూపొందించి యూపీలోని లక్నో కేంద్రంగా జాతీయస్థాయిలో పనిచేస్తున్న బర్డ్ కు పంపించారని తెలిపారు. ఈ సక్సెస్ స్టోరీని బర్డ్ ద్వారా అన్ని రాష్ట్రాల్లోని సహకార శిక్షణా కేంద్రాల్లో అధ్యయనం చేస్తారని చెప్పారు. కార్యక్రమంలో సీఈవో సంతోష్, ఏఎంసీ చైర్ పర్సన్ బుర్ర మౌనిక, శ్రీనివాస్, సర్పంచ్ లు, ఎంపీటీసీ సభ్యులు పాల్గొన్నారు.
