సార్వత్రిక ఎన్నికల్లో పోటీ చేయడం లేదని లోక్ సభ స్పీకర్, బీజేపీ సీనియర్ లీడర్ సుమిత్రా మహజన్ తెలిపారు. ఇందుకు గాను శుక్రవారం పార్టీకి లెటర్ రాశారు. తాను ఈసారి పోటీ చేయడం లేదని తెలిపారు. ఈ విషయాన్ని ఇప్పటికే పార్టీకి చెప్పానన్నారు. అయితే ఇండోర్ నుండి పోటీచేసే అభ్యర్తి పేరు ఇప్పటి వరకు ప్రకటించక పోవడంతో తాను లెటర్ రాసానని చెప్పారు. వెంటనే ఇండోర్ నుంచి పోటీ చేయబోయే అభ్యర్థిని ప్రకటించాలని కోరారు. సీనియర్లకు టికెట్ ఇచ్చే విషయంపై బీజేపీ అధిష్టానం నాన్చుతూ వస్తుంది. ఈ నేపధ్యంలో సుమిత్రా మహజన్ లెటర్ రాయడం చర్చనీయాంశం అయింది.
ఇండోర్ నుంచి 1989లో మొదటిసారి లోక్ సభకు ఎన్నికైన సుమిత్రా మహాజన్… 2014 వరకు 8 సార్లు గెలిచారు. ఓటమన్నదే ఎరుగని నేతగా ఆమెకు పేరుంది. వాజ్ పేయి కేబినెట్ లో అనేక శాఖలకు మంత్రిగా పనిచేశారు. 2014లో మోడీ ప్రభుత్వం వచ్చాక… స్పీకర్ గా ఎన్నికయ్యారు.
