కన్యారాశిలోకి సూర్యుడు సెప్టెంబర్ 17న సూర్యుడు కన్యారాశిలో సంచరించబోతున్నాడు. ఈ రాశిలో అక్టోబర్ 17 వరకు ఉంటాడు. అంటే ఒక నెల రోజులు సూర్యుడు కన్యారాశిలో ఉండబోతున్నాడు. జ్యోతిష్య నిపుణులు తెలిపిన వివరాల ప్రకారం.. సూర్యుడు కన్యారాశిలో సంచరించడం వలన ఏయే రాశుల వారికి ఏయే విధంగా ఉండబోతోందో పరిశీలిద్దాం.
మేషం: ఈ రాశివారికి రవి గ్రహం ఆరవ స్థానంలోకి రావడం జరుగుతుంది. దీనివల్ల శత్రు, రోగ, రుణ సమ స్యల నుంచి చాలావరకు ఉపశమనం లభిస్తుందని జ్యోతిష్కులు చెబుతున్నారు. అధికార యోగం కలిగి వృత్తి, ఉద్యోగాల్లో అతి వేగంగా పురోగతి చెందే అవకాశం ఉంటుందట.అయితే, కొద్దిగా అధికారులతో ఇబ్బందులు తలెత్తినా . నిరుద్యోగుల ప్రయత్నాలు ఫలిస్తాయని పండితులు చెబుతున్నారు .
వృషభం: ఈ రాశివారికి రవి పంచమ స్థానంలో ప్రవేశించడం వల్ల ఈ రాశివారికి ప్రతిభా పాటవాలకు సర్వత్రా మంచి గుర్తింపు లభిస్తుందని జ్యోతిష్య నిపుణులు అంటున్నారు. వీరి ఆలోచనలు, వ్యూహాలు సత్ఫలితాలనిస్తాయట . పిల్లలు బాగా వృద్ధి లోకి వస్తారు. సంతానం లేని వారికి సంతాన యోగం పట్టడం జరుగుతుంది. వృత్తి, ఉద్యోగాల్లో సానుకూల వాతావరణం నెలకొంటుందని అంటున్నారు పండితులు . వ్యాపారంలో లాభాలు రావడంతో గృహ, వాహన సౌకర్యాల మీద దృష్టి సారిస్తారంటున్నారు.
మిథునం: ఈ రాశివారికి నాలుగవ స్థానంలో రవి ప్రవేశం వల్ల గృహ, వాహన సౌకర్యాల మీద దృష్టి పడే అవకాశం ఉంటుంది. . తల్లి ఆరోగ్యం ఆందోళన కలిగించే సూచనలున్నాయని పండితులు అంటున్నారు. సోదరుల కారణంగా మానసిక ఒత్తిడి.... ఆరోగ్యం విషయంలో బాగా శ్రద్ధ తీసుకోవాలని సూచిస్తు్న్నారు.
కర్కాటకం: ఈ రాశివారికి మంచి అదృష్ట యోగం పడుతుందట. ఉద్యోగంలో ప్రమోషన్ లేదా అధికార యోగం... అన్ని అంశాల్లోనూ శీఘ్రగతిన పురోగతి ఉంటుందని పండితులు అంటున్నారు. పట్టు దల, ఆత్మవిశ్వాసం పెరిగి.. . ఏ ప్రయత్నమైనా సఫలం అవుతుందట. అధికారులతో సామరస్యం పెరిగి.. . బంధుమిత్రుల నుంచి సహాయ సహ కారాలు లభిస్తాయి. సోదరులతో ఆస్తి వివాదాలు పరిష్కారం అవుతాయని జ్యోతిష్కులు అంటున్నారు.
సింహం: ఈ రాశినాథుడైన రవి ధన స్థానంలో ప్రవేశించినందువల్ల ఆకస్మిక ధన ప్రాప్తికి అవకాశం ఉంది. వీరి మాటకు, చేతకు విలువ పెరిగి.. . కుటుంబంలో జీవిత భాగస్వామికి, పిల్లలకు అంచ నాలకు మించిన పురోగతి ఉంటుంది. సహాయ కార్యక్రమాల్లో, దైవ కార్యాల్లో పాల్గొంటారు. మీ సలహాలు, సూచనలు అధికారులకు బాగా నచ్చుతాయట. ఆర్థిక సమస్యలు బాగా తగ్గిపోయి మనశ్శాంతి ఏర్పడుతుంది. సమాజంలో గౌరవ మర్యాదలు పెరుగుతాయని పండితులు సూచిస్తున్నారు.
కన్య: ఈ రాశిలో రవి ప్రవేశం వల్ల ఈ రాశివారికి మధ్య మధ్య చిన్న చిన్న అనారోగ్యాలు ఇబ్బందులు కలిగే అవకాశం ఉంది. ఖర్చులు పెరిగి ఆర్థికంగా ఇబ్బంది పడతారని పండితులు సూచిస్తున్నారు. ముఖ్య మైన వ్యవహారాల్లో ఇబ్బందులు ,, నిరుద్యోగులకు ఏదో ఒక ఆటంకం ఏర్పడుతుందట. వృత్తి, ఉద్యోగాల్లో పని భారం పెరిగి, విశ్రాంతి కూడా లభించని పరిస్థితి ఏర్పడి... ఎవరు మిత్రుడో ఎవరు శత్రువో అర్థం కాని పరిస్థితి ఏర్పడుతుందని జ్యోతిష్య నిపుణులు హెచ్చరిస్తు్న్నారు.
తుల: ప్రభుత్వపరంగా సమస్యలు ఎదురవుతాయట. ఉద్యోగంలో ప్రాభవం తగ్గడమే కాకుండా... . అనుకోకుండా తండ్రితో వైరం ఏర్పడి.. వైద్య ఖర్చులు పెరుగుతాయని జ్యోతిష్య నిపుణులు అంటున్నారు. అనవసర ప్రయాణాలతో ఇబ్బంది... కొందరు స్నేహి తులు .. నమ్మినవారు మోసగించే అవకాశం ఉంది. ఇల్లు మారాల్సిన పరిస్థితులు ఏర్పడతాయి. ఏదో ఒక కారణంగా రావలసిన ప్రమోషన్లు ఆగిపోతాయి.
వృశ్చికం: ఈ రాశివారికి ఏకాదశ స్థానంలో రవి ప్రవేశం వల్ల జీవితంలో కొన్ని శుభపరిణామాలు చోటు చేసుకుంటాయి. జీవితం తప్పకుండా మలుపు తిరుగుతుందంటున్నారు పండితులు . అనేక అంశాలలో పురోగతి... ఆర్థిక స్థిరత్వంతో పాటు ఆర్థిక పురోగతి ఉంటుందట. ఈ రాశివారి వల్ల స్నేహితులకు కూడా మేలు ... సమాజంలో ఉన్నత స్థాయిలో ఉన్న వివిధ రంగాలకు చెందిన వ్యక్తులతో పరిచయాలు ఏర్పడి.. ఆస్తి కలిసి వచ్చే అవకాశం కూడా ఉందంటున్నారు జ్యోతిష్య నిపుణులు.
ధనుస్సు: ఈ రాశివారికి దశమ స్థానంలో రవి ప్రవేశం వల్ల ఎన్నాళ్లుగానో ఎదురు చూస్తున్న అధికారం చేతికి వచ్చే అవకాశం ఉంది. ఒక పెద్ద వాణిజ్య సంస్థను నిర్వహించే అవకాశం వస్తుందట. వృత్తి, వ్యాపారాల్లో పోటీదార్లు వెనక్కు తగ్గడం... ఈ రాశివారికి ప్రాధాన్యం ఏర్పడి... . ఆర్థిక పరిస్థితి ఆశాజనకంగా ఉంటుందట. రాజకీయ నాయకులు అందలాలు ఎక్కుతారని పండితులు అంటున్నారు. రియల్ ఎస్టేట్ రంగానికి చెందినవారికి బాగా డిమాండ్ పెరుగుతుంది.
మకరం: ఈ రాశివారికి తొమ్మిదవ స్థానంలో, అంటే భాగ్య స్థానంలో రవి ప్రవేశం వల్ల తండ్రి వారసత్వం లభించడం గానీ, తండ్రి నుంచి ఆస్తి సంక్రమించడం గానీ జరుగుతుంది. అయితే, తండ్రి ఆరోగ్యం మీద శ్రద్ధ పెట్టాల్సిన అవసరం ఉంటుందని సూచిస్తున్నారు పండితులు. విదేశీ ప్రయాణాలకు, విదేశీ అవకాశాలకు వీలుంది. విహార యాత్రలు, తీర్థయాత్రలు చేసే సూచనలున్నాయి. ప్రభుత్వపరంగా డబ్బు గానీ, భూమి గానీ అందే అవకాశం ఉంది. జీవిత భాగస్వామికి అదృష్టం పడుతుంది. ఆరోగ్యం మెరుగుపడుతుంది.
కుంభం: ఈ రాశివారికి అష్టమ స్థానంలో రవి ప్రవేశం వల్ల ప్రభుత్వపరమైన సమస్యలు తలెత్తే అవకాశం ఉందని జ్యోతిష్కులు అంటున్నారు. అధికారులతో ఆచితూచి వ్యవహరించడం మంచిది. ఇష్టం లేని ప్రాంతాలకు బదిలీ అయ్యే సూచనలున్నాయి. తండ్రితో గానీ, తండ్రి వైపు వారితో గానీ అకారణ శత్రుత్వం ఏర్పడుతుంది. జీవిత భాగస్వామికి ఆశించిన గుర్తింపు లభిస్తుంది. జీవిత భాగస్వామి తరఫు బంధువులతో సాన్నిహిత్యం ఏర్పడుతుంది. అనారోగ్య సమస్యలు ఇబ్బంది పెట్టవచ్చు. వృథా ఖర్చులు పెరుగుతాయి.
మీనం: ఈ రాశివారికి 7వ స్థానంలో రవి ప్రవేశం వల్ల కుటుంబ జీవితంలో అపార్థాలు, విభేదాలు తలెత్తే అవకాశం ఉంది. జీవిత భాగస్వామితో ఇబ్బందులు ...వ్యాపార భాగ స్వాములతో సమస్యలు తలెత్తవచ్చు. తల్లితండ్రులకు దూరమయ్యే అవకాశం ఉంది. కన్యా రాశిలో రవి ఉన్న సమయంలో అనారోగ్యాలు వచ్చే పక్షంలో అవి సుదీర్ఘ కాలం పాటు పీడించే అవకాశం ఉంటుంది. మిత్రుల వల్ల నష్టపోతారట.
మొత్తం మీద రవి గ్రహం కన్యారాశి సంచారం వల్ల ఏడు రాశుల వారికి రాజయోగం పట్టబోతోంది. 3,6,10,11స్థానాలలో సంచరిస్తున్నప్పుడు అత్యుత్తమ ఫలితాల నిస్తాడు.2,5,9 స్థానాలలో సంచరిస్తున్నప్పుడు ఉత్తమ ఫలితాలనిస్తాడు. అదే విధంగా, 1,4,7 స్థానాలలో ప్రవేశించినప్పుడు మధ్యమ ఫలితాలనివ్వడం జరుగుతుంది. ఇక 8, 12 స్థానాలలో ఉన్నప్పుడు అధమ ఫలితాలనిస్తాడు. మొత్తం మీద రవి గ్రహం.. కన్యారాశి సంచారం వల్ల ఏడు రాశుల వారికి రాజయోగం పట్టబోతోందని పండితులు చెబుతున్నారు.
