టాలీవుడ్ యంగ్ హీరో సందీప్ కిషన్(Sandeep Kishan) ఇటీవలే ఊరు పేరు భైరవకోన(Ooru Peru Bhairavakona) సినిమాతో మంచి విజయాన్ని అందుకున్నాడు. దర్శకుడు వీఐ ఆనంద్(VI Anand) తెరకెక్కించిన ఈ ఫాంటసీ థ్రిల్లర్ మూవీ ఓవర్ ఆల్ గా రూ.27 కోట్ల గ్రాస్ కలెక్షన్స్ రాబట్టి నిర్మాతలకు మోస్తారు లాభాలు తెచ్చిపెటింది.
ఇక చాలా కాలంగా హిట్ కోసం ఎదురుచూస్తున్న సందీప్ కు ఈ సినిమా మంచి కంబ్యాక్ ఇచ్చింది. ఈ ఏడాది ఊరుపేరు భైరవకోన పాటు, కెప్టెన్ మిల్ల‌ర్‌, రాయ‌న్ సినిమాల‌తో హిట్లు అందుకున్న ఈ కుర్ర హీరో మ‌రోకొత్త సినిమాను మొదలుపెట్టేశాడు.
దర్శకుడు త్రినాధరావు నక్కినతో తన నెక్స్ట్ సినిమాను చేయబోతున్నాడు సందీప్. దీనికి సంబందించిన అధికారిక ప్రకటన కూడా వచ్చేసింది. #SK30 వర్కింగ్ టైటిల్ తో వస్తున్న ఈ సినిమాకి తాజాగా టైటిల్తో పాటు రిలీజ్ అనౌన్స్ మెంట్ ఇచ్చేశారు మేకర్స్.
ఈ సినిమాకు మ‌జాకా (Majaka)అంటూ హుషారైన టైటిల్తో పాటు ఫ‌స్ట్ లుక్‌ను చిత్ర‌యూనిట్ విడుద‌ల చేసింది. ఈ ఫ‌స్ట్ లుక్‌లో సందీప్ కిషన్ పంచె క‌ట్టులో కొత్తగా క‌నిపిస్తున్నాడు. కామెడీ ఎంటర్టైనర్గా రానున్న ఈ సినిమాను 2025 సంక్రాంతి కానుక‌గా ప్రేక్ష‌కుల ముందుకు తీసుకురాబోతున్న‌ట్లు మేకర్స్ ప్ర‌క‌టించారు.
ఏకే ఎంటర్‌టైన్‌మెంట్స్, హాస్య మూవీస్ బ్యానర్స్ సంయుక్తంగా నిర్మిస్తున్నారు. ఇక త్రినాధరావు ఇటీవలే మాస్ మహారాజ్ రవితేజతో ధమాకా లాంటి భారీ హిట్ అందుకున్నాడు. ఈ సినిమా బాక్సాఫీస్ దగ్గర రూ.100 కోట్ల గ్రాస్ రాబట్టిన విషయం తెలిసిందే. దీంతో సందీప్ కిషన్, త్రినాధరావు సినిమాపై ఇప్పటినుండే అంచనాలు ఏర్పడుతున్నాయి.
ఇక ఈ కొత్త సినిమాకు కూడా ధమాకా సినిమాకు కథ అందించిన ప్రసన్న కుమార్ బెజవాడ కథని అందిస్తున్నాడు. పక్కా కామెడీ అండ్ కమర్షియల్ ఎంటర్టైనర్గా రాబోతున్న ఈ సినిమా పూర్తి వివరాలు త్వరలోనే ప్రకటించనున్నారు మేకర్స్. మరి ఈ సినిమాతో సందీప్ కిషన్ ఎలాంటి విజయాన్ని అందుకుంటాడో చూడాలి.
#Mazaka for Sankaranthi 2025 🙏🏽
— Sundeep Kishan (@sundeepkishan) September 23, 2024
2025 Marks my 15th year as an Actor,My 30th Film & my 1st ever Festival/Holiday Release
Thank you @TrinadharaoNak1 garu @AnilSunkara1 garu , @RajeshDanda_ @lemonsprasad garu @KumarBezwada & my Fans for this & for
‘People’s Star’ ♥️@ZeeStudios_ pic.twitter.com/9uEcdvUze6
