హైదరాబాద్, వెలుగు : డెయిరీ ప్రొడక్టులు అమ్మే తెలంగాణ బ్రాండ్ సిద్స్‌ ఫార్మ్‌ తమ నూతన చీఫ్‌ టెక్నాలజీ ఆఫీసర్‌ (సీటీఓ)గా సునీల్ పొత్తూరిని నియమించుకున్నట్లు వెల్లడించింది. ఆయనకు కన్సల్టింగ్‌, ప్రొడక్ట్‌ డెవలప్‌‌‌‌మెంట్‌, స్ట్రాటజీ, ఆపరేషన్స్‌ మేనేజ్‌‌‌‌మెంట్లో రెండు దశాబ్దాలకు పైగా అనుభవం ఉంది. వ్యాపార నిర్వహణలో విశేష అనుభవం, సాంకేతిక నేపథ్యం వంటివి సిద్స్‌ ఫార్మ్‌ లక్ష్యం చేరుకోవడానికి తోడ్పడనున్నాయని సంస్థ ప్రకటించింది.
సునీల్ సిద్స్‌ ఫార్మ్‌‌‌‌లో చేరక మునుపు సింటెలియో సీఈఓగా పనిచేశారు. హైదరాబాద్‌‌‌‌లోని సీబీఐటీ లో ఇంజినీరింగ్‌ చేసిన ఈయన, అహ్మదాబాద్‌‌‌‌లోని ఇండియన్‌ ఇనిస్టిట్యూట్‌ ఆఫ్‌ మేనేజ్మెంట్ నుంచి సీనియర్‌ మేనేజ్మెంట్ ప్రోగ్రామ్‌‌‌‌లో పట్టా తీసుకున్నారు..
