హైదరాబాద్, వెలుగు: తెలంగాణలో బీఆర్ఎస్ అధికారంలో ఉన్నప్పుడు మహిళలకు రక్షణ లేకుండా పోయిందని కాంగ్రెస్ మహిళా రాష్ట్ర అధ్యక్షురాలు సునీతా రావు విమర్శించారు. పోకిరీల బెడదతో మహిళలు ఎన్నో ఇబ్బందులు ఎదుర్కొన్నారని తెలిపారు. అందుకే బీఆర్ఎస్ను బంది పోట్ల రాష్ట్ర సమితి అని పిలిచామని పేర్కొన్నారు. మంగళవారం ఆమె గాంధీభవన్లో మీడియాతో మాట్లాడారు.
రాష్ట్రాన్ని అప్పులకుప్పగా మార్చింది కేసీఆర్ అని ఆరోపించారు. బీజేపీ పాలిత రాష్ట్రాల్లోనూ మహిళలకు రక్షణ లేకుండా పోయిందనే విషయం రాహుల్గాంధీ చేపట్టిన భారత్జోడో న్యాయ్యాత్రతో తెలిసిందని చెప్పారు. మహిళా రిజర్వేషన్ల బిల్లును ప్రవేశపెట్టకుండా బీజేపీ ఎందుకు తాత్సారం చేస్తున్నదని మండిపడ్డారు.
ALSO READ : నల్గొండలో సభ పెట్టి తీరుతం: కేసీఆర్
