శివ్వంపేట, వెలుగు: నర్సాపూర్ నియోజకవర్గ బీఆర్ఎస్ అభ్యర్థి సునీతా లక్ష్మారెడ్డి శుక్రవారం మండలంలోని ఉసిరికపల్లికి చెందిన పార్టీ సీనియర్ నాయకుడు, ఎమ్మెల్యే మదన్ రెడ్డి అనుచరుడు కృష్ణారావు ఇంటికి వెళ్లి ఎన్నికల్లో మద్దతివ్వాలని కోరారు. ఈ సందర్భంగా ఆమె మాట్లాడుతూ..సిట్టింగ్ ఎమ్మెల్యే మదన్ రెడ్డికి సముచిత స్థానం కల్పిస్తామన్నారని తెలిపారు. తన గెలుపుకోసం ప్రతి ఒక్కరూ పని చేయాలని కోరారు.
కార్యక్రమంలో జిల్లా గ్రంథాలయ సంస్థ చైర్మన్ చంద్రాగౌడ్, జడ్పీటీసీ మహేశ్గుప్తా, మండల పార్టీ అధ్యక్షుడు రమణ గౌడ్, ఆత్మ కమిటీ చైర్మన్ వెంకట్ రెడ్డి, సొసైటీ చైర్మన్ వెంకట్రాంరెడ్డి, సర్పంచ్ బాబురావు పాల్గొన్నారు.
