తెలుగు ఆడియెన్స్కి ఈ ఆదివారం నిజంగా పాటల పండుగే అని చెప్పాలి. ఎందుకంటే... ‘సూపర్ సింగర్ జూనియర్’ రియాలిటీ షో టైటిల్ విన్నర్ ఎవరో ఆ రోజే తెలుస్తుంది. దాదాపు మూడు నెలలుగా పాటలు పాడుతూ ఎంటర్టైన్ చేస్తున్న కంటెస్టెంట్స్లో ఐదుగురు ఫైనల్కి వెళ్లారు. గ్రాండ్ ఫినాలె ఎపిసోడ్ని చాలా గ్రాండ్గా ప్లాన్ చేశారు. దీనికి సంబంధించిన ప్రోమో వచ్చింది. అందులో స్పెషల్ గెస్ట్గా నాగార్జున కనిపించాడు. విజేతగా నిలిచిన వాళ్లకు ఆయన ట్రోఫీ అందించనున్నాడు. చాలా రోజుల తర్వాత టీవీ రియాలిటీ షో ఫినాలెకి స్పెషల్ గెస్ట్గా వస్తున్నాడు నాగార్జున. అంతేకాదు కామెడీ కింగ్ బ్రహ్మానందం, హీరో సుధీర్ బాబు, హీరోయిన్ కృతి శెట్టి కూడా గెస్ట్లుగా వస్తున్నారు. ఈ ఎపిసోడ్ ఈ ఆదివారం మధ్యాహ్నం 12 గంటలకు స్టార్ మాలో టెలికాస్ట్ అవుతుంది.
కపిల్ శర్మ షో మళ్లీ షురూ
సెలబ్రిటీలతో కలిసి మళ్లీ ఆడియెన్స్ని నవ్వించేందుకు కమెడియన్ కపిల్ శర్మ రెడీ అవుతున్నాడు. రెండు రోజుల కిందటే ముంబైలో ‘ది కపిల్ శర్మ’ కామెడీ షో కొత్త సీజన్ షూటింగ్ మొదలైంది. అక్షయ్ కుమార్ ఫస్ట్ గెస్ట్. ఫస్ట్ ఎపిసోడ్లో రకుల్ప్రీత్ సింగ్ కూడా కనిపించనుంది. ఆడియెన్స్కి మరింత ఫన్ ఇచ్చేందుకు ఈసారి కొన్ని మార్పులతో షోని డిజైన్ చేస్తోంది సోనీ టీవీ. పోయిన సీజన్లో స్వప్నగా ఆడియెన్స్ని ఎంటర్టైన్ చేసిన కృష్ణ అభిషేక్ ఈ సీజన్ నుంచి తప్పుకున్నాడు. దాంతో కొత్త ఆర్టిస్టుల్ని చూడొచ్చు. ఈ షో సోని టీవీలో టెలికాస్ట్ కానుంది. అయితే, ఏ రోజు నుంచి టెలికాస్ట్ అవుతుందనేది మాత్రం అనౌన్స్ చేయలేదు.
