నిజామాబాద్ పోస్టాఫీస్లో 6 నెలల నుంచి బట్వాడ చేయట్లే..
ఓటర్, పాన్, ఆధార్కార్డులు,చెక్బుక్లు, డ్రైవింగ్ లైసెన్స్లు మరెన్నో డాక్యుమెంట్స్..
నిజామాబాద్, వెలుగు : నిజామాబాద్ సిటీలోని సుభాష్నగర్ సబ్ పోస్టాఫీస్కు వచ్చిన పోస్టల్ కవర్లు, లెటర్లను ఆరునెలల నుంచి బట్వాడా చేయకుండా పోస్ట్మన్ తన ఇంట్లోని ప్లాస్టిక్ సంచుల్లో కుక్కిపెట్టాడు. లెటర్లు రావడం లేదని వచ్చిన ఫిర్యాదుతో అసిస్టెంట్ పోస్టల్ సూపరింటెండెంట్(ఏఎస్పీ) విచారణ చేపట్టగా బట్వాడా చేయని 6 వేల కవర్లు, లెటర్లు పోస్ట్మన్ ఇంట్లో కనిపించాయి. వీటిని సబ్ పోస్ట్ఆఫీస్కు తరలించి పోస్ట్మన్ను సస్పెండ్ చేశారు.
కొత్తగా ఓటు హక్కు వచ్చిన వారికి ఓటర్ఐడీ కార్డులు వారిచ్చిన అడ్రస్కు పోస్టు ద్వారా వస్తాయి. అలాగే ఆధార్, పాన్, డ్రైవింగ్ లైసెన్స్, బ్యాంక్ చెక్బుక్లు పోస్టల్శాఖ ద్వారానే అందుతాయి. సుభాష్నగర్ సబ్పోస్ట్ ఆఫీస్పరిధిలో నెలల తరబడి వీటిని అందుకోని జనాలు పోస్ట్మాన్ కార్తీక్ను ప్రశ్నించారు. దీంతో అతడు తన వద్దకు ఏం రాలేదని, వస్తే ఇస్తాను కదా అని చెప్పి దాటవేశాడు. అతడి తీరుపై అనుమానం వచ్చిన కొంతమంది అసిస్టెంట్ పోస్టల్ సూపరింటెండెంట్ రాజ నర్సాగౌడ్కు కంప్లయింట్ చేశారు.
దీంతో ఆయన సోమవారం సబ్ పోస్ట్ ఆఫీస్కు వచ్చారు. అక్కడ విచారణ జరిపాక పోస్ట్మన్పై అనుమానంతో కార్తీక్ ఇంటికి వెళ్లి అతడిని ప్రశ్నించాడు. సరైన సమాధానం చెప్పకపోవడంతో మూలనపడి ఉన్న బ్యాగులు తెరిచి చూశారు. అందులో వేలాదిగా ఆధార్ కార్డులు, పాన్ కార్డులు, ఓటర్ఐడీ కార్డులు, చెక్బుక్లు, ఈ ఛలాన్లు కనిపించాయి. వాటిని సబ్పోస్ట్ ఆఫీస్కు తరలించారు. పోస్ట్మన్ను సస్పెండ్ చేశౄమని, బట్వాడా కోసం మంగళవారం నుంచి స్పెషల్ డ్రైవ్ చేపడతామని రాజనర్సాగౌడ్ తెలిపారు.
