కన్నడ హీరో రిషబ్ శెట్టి (Rishab Shetty) నటించి, దర్శకత్వం వహించిన కాంతారా (Kantara) సినిమాకు ఇప్పుడు ప్రీక్వెల్ తెరకెక్కుతున్న విషయం తెలిసిందే.
కాంతార: చాప్టర్ 1(Kantara: Chapter 1)పేరుతో వస్తున్న ఈ సినిమాపై ఇప్పటినుండే భారీ అంచనాలు నెలకొన్నాయి. ఇటీవల విడుదలైన అనౌన్సమెంట్ వీడియో ఆ అంచనాలని మరింత పెంచేసింది. అందుకే ఈ సినిమా గురించి వినిపిస్తున్న చిన్న న్యూస్ అయినా క్షణాల్లో వైరల్ అవుతోంది.
తాజాగా అలాంటి న్యూస్ ఒకటి సోషల్ మీడియాను లో వైరల్ అవుతోంది. అదేంటంటే.. ఈ సినిమాలో మలయాళ సూపర్ స్టార్ మోహన్ లాల్ (Mohanlal) ఒక కీలక పాత్రలో కనిపించనున్నాడట. ఇందులో ఆయన హీరో రిషబ్‌శెట్టి తండ్రి పాత్రలో కనిపిస్తారని సినీ వర్గాల సమాచారం.
ALSO READ | MamithaBaiju: బంపర్ ఆఫర్ కొట్టేసిన ప్రేమలు హీరోయిన్.. దళపతి విజయ్ సినిమాలో ఛాన్స్!
గత ఏప్రిల్‌లో మోహన్‌లాల్‌ను ఆయన స్వగృహంలో రిషబ్‌శెట్టి మరియు అతని భార్య ప్రగతి కలుసుకున్నారు. ఆ సమయంలోనే వారిమధ్య ప్రీక్వెల్‌కు సంబంధించిన కథాచర్చలు జరిగాయని.. అందుకు ఏ మాత్రం ఆలోచించకుండా ‘కాంతార-1’లో మోహన్‌లాల్‌ నటించడానికి అంగీకరించారని తెలుస్తోంది. త్వరలో ఈ విషయమై అధికారిక ప్రకటన వెలువడుతుందని సమాచారం. ప్రస్తుతం మోహన్ లాల్ 'బరోజ్' అనే మూవీలో నటిస్తున్నాడు.
An honor and a pleasure to meet the legendary @Mohanlal sir! 🌟 pic.twitter.com/4Qqd60aNJJ
— Rishab Shetty (@shetty_rishab) April 18, 2024
ఇకపోతే.. ఈ ఏడాదికి గాను 70వ నేషనల్ ఫిల్మ్ అవార్డ్స్‌‌‌‌లో కాంతారా సినిమాకు గాను ఉత్తమ నటుడిగా..హీరో రిషబ్ శెట్టి ఎంపికయిన విషయం తెలిసిందే. ఇప్పటికే ఈ సినిమాకు ఎన్నో అవార్డ్స్ వరించినప్పటికీ..ఈ జాతీయ అవార్డు కాంతారా ప్రీక్వెల్ పై మరింత బాధ్యతని పెంచింది.
అందుకు తగ్గట్టుగానే ప్రీక్వెల్ కాంతారా కోసం కష్టపడుతున్నాడు. స్క్రిప్ట్ సిద్దం చేసుకుని..నటి నటుల దగ్గర నుంచి సినిమా సెట్స్ వరకు జాగ్రత్తలు తీసుకుంటూ వస్తున్నాడు. అందుకు తగ్గట్టుగానే ప్రీక్వెల్ కాంతారా కోసం కష్టపడుతున్నాడు. స్క్రిప్ట్ సిద్దం చేసుకుని..నటి నటుల దగ్గర నుంచి సినిమా సెట్స్ వరకు జాగ్రత్తలు తీసుకుంటూ వస్తున్నాడు.
ప్రస్తుతం కాంతారా చాప్టర్1 షూటింగ్ శరవేగంగా జరుగుతోంది. వచ్చే వారం 4వ షెడ్యూల్ ప్రారంభం కానుంది. ఈ షెడ్యూల్‌లో భారీ యాక్షన్ సీక్వెన్స్‌ని చిత్రీకరించనున్నారు రిషబ్. కాగా ఈ మూవీ 2025 ప్రారంభంలో థియేటర్లలోకి రానుంది. అయితే అధికారికంగా విడుదల తేదీని ఇంకా మేకర్స్ ఖరారు చేయలేదు.
