భద్రాద్రి కొత్తగూడెం, వెలుగు: కొత్తగూడెం నియోజకవర్గ ఎమ్మెల్యే కూనంనేని సాంబశివరావుకు బుధవారం సుప్రీంకోర్టు షాక్ఇచ్చింది. అసెంబ్లీ ఎన్నికల టైంలో రిటర్నింగ్ఆఫీసర్కు సమర్పించిన అఫిడవిట్లో కూనంనేని పూర్తి వివరాలు పేర్కొనలేదని కొత్తగూడెంకు చెందిన నందులాల్ హైకోర్టులో గతేడాది పిటిషన్ వేశారు. ఫారం –26 ఎన్నికల అఫిడవిట్ లో సమగ్ర వివరాలు వెల్లడించలేదని, తన భార్య పేరును కూనంనేని పేర్కొనలేదని, లైసెన్స్ డ్ నోటరీతో అఫిడవిట్చేయించలేదనే పలు అంశాలతో ఆయన హైకోర్టులో పిటిషన్ వేశారు.
ఎమ్మెల్యేగా కూనంనేని ఎన్నికను సవాల్ చేస్తూ నందులాల్ వేసిన పిటిషన్పై హైకోర్టులో వాదనలు జరిగాయి. తెలంగాణ హైకోర్టులో తనపై దాఖలైన పిటిషన్ ను కొట్టి వేయాలని గతంలో కూనంనేని సుప్రీం కోర్టులో స్పెషల్లీవ్ పిటిషన్ (ఎస్ఎల్ పీ) దాఖలు చేశారు. కూనంనేని పిటిషన్ ను జస్టిస్సూర్యకాంత్ధర్మాసనం విచారించింది. వాదోపవాదనలు విన్న తర్వాత కూనంనేని దాఖలు చేసిన ఎస్ ఎల్ పీని సుప్రీం ధర్మాసనం డిస్మిస్ చేసింది.
కాగా, సుప్రీం తీర్పుపై కూనంనేని స్పందించారు. తాను ఐదేండ్ల పాటు కొనసాగుతానని తన పదవికి ఢోకా లేదని తెలిపారు.
