- యూపీ జర్నలిస్టుకు మధ్యంతర రక్షణ కల్పించిన న్యాయస్థానం
న్యూఢిల్లీ: ప్రభుత్వాన్ని విమర్శిస్తూ కథనాలు రాస్తున్నారనే కారణంతో జర్నలిస్టులపై క్రిమినల్ కేసులు పెట్టలేమని సుప్రీంకోర్టు వ్యాఖ్యానించింది. ఇలాచేస్తే రాజ్యాంగంలోని ఆర్టికల్19(1) ప్రకారం వారి భావ ప్రకటనా స్వేచ్ఛకు విఘాతం కలిగించినట్టేనని పేర్కొన్నది. ఉత్తరప్రదేశ్ ప్రభుత్వ పాలనపై వార్తా కథనం రాసినందుకు తనపై నమోదు చేసిన ఎఫ్ఐఆర్ను కొట్టివేయాలని కోరుతూ అభిషేక్ఉపాధ్యాయ్అనే జర్నలిస్ట్ సుప్రీంకోర్టును ఆశ్రయించారు. ఈ పిటిషన్పై జస్టిస్ హృషికేశ్ రాయ్, జస్టిస్ ఎస్వీఎన్భట్టితో కూడిన బెంచ్ శుక్రవారం విచారణ చేపట్టింది.
కేవలం జర్నలిస్టులు రాసిన రాతలను ప్రభుత్వంపై విమర్శలుగా భావించి, వారిపై క్రిమినల్ కేసులు పెట్టకూడదని బెంచ్ పేర్కొన్నది. దీనిపై వివరణ ఇవ్వాలని కోరుతూ యోగి ఆదిత్యనాథ్ నేతృత్వంలోని యూపీ సర్కారుకు నోటీసులు జారీ చేసింది. అప్పటివరకూ జర్నలిస్ట్ అభిషేక్ ఉపాధ్యాయ్ను అరెస్ట్ చేయకుండా మధ్యంతర రక్షణ కల్పించింది.
