ప్రస్తుతం క్రికెట్ ప్రేమికుల దృష్టి అంతా వచ్చే నెలలో జరగబోయే ఛాంపియన్స్ ట్రోఫీపైనే ఉంది. ఈ మెగా టోర్నీ ఫిబ్రవరి 19 నుండి మార్చి 9 వరకు.. అంటే 19 రోజుల పాటు అభిమానులను అలరించనుంది. ఫిబ్రవరి 19న కరాచీ వేదికగా ఆతిథ్య పాకిస్థాన్ జట్టు.. ప్రారంభ మ్యాచ్‌లో న్యూజిలాండ్‌తో తలపడనుంది. ఈ టోర్నీలో భారత జట్టు.. ఫిబ్రవరి 20న బంగ్లాదేశ్‌తో తమ మొదటి మ్యాచ్ ఆడుతుంది. హైబ్రిడ్‌ మోడల్‌లో జరగనున్న ఈ టోర్నీకి పాకిస్థాన్‌తోపాటు దుబాయ్ ఆతిథ్యం ఇవ్వనుంది. భారత జట్టు ఆడే మ్యాచ్‌లు దుబాయిలో జరగనుండగా.. మిలిగిన జట్లు తలపడే మ్యాచ్‌లు పాకిస్థాన్‌లో జరగనున్నాయి.
ఛాంపియన్స్ ట్రోఫీపై టీమిండియా మాజీ ఆటగాడు సురేష్ రైనా కొన్ని ఆసక్తికర విషయాలను పంచుకున్నాడు. ఈ మెగా టోర్నీలో ప్లేయర్ ఆఫ్ ది టోర్నీ ఎవరో చెప్పుకొచ్చాడు. స్టార్ స్పోర్ట్స్‌తో మాట్లాడిన రైనా.. ఛాంపియన్స్ ట్రోఫీలో గిల్ ప్లేయర్ ఆఫ్ ది అవార్డు గెలుచుకుంటాడని తెలిపాడు. రానున్న ఛాంపియన్స్ ట్రోఫీలో గిల్ రాణిస్తాడని.. అతను ప్లేయర్ ఆఫ్ ది సిరీస్ గా ఎంపికైనా నేను ఆశ్చర్యపోను అని చెప్పాడు. కొన్ని రోజుల క్రితం నెక్స్ట్ సూపర్ స్టార్ గిల్ అని చెప్పిన రైనా.. ఇప్పుడు మరోసారి గిల్ ప్లేయర్ ఆఫ్ ది టోర్నీ గెలుస్తాడని హైలెట్ చేశాడు.
ALSO READ | Gongadi Trisha: అండర్-19 టీ20 ప్రపంచకప్‌.. చరిత్ర సృష్టించిన తెలంగాణ బిడ్డ
ఛాంపియన్స్ ట్రోఫీలో గిల్ భారత జట్టుకు వైస్ కెప్టెన్ గా వ్యవహరించనున్నాడు. రోహిత్ శర్మతో ఓపెనర్ గా బరిలోకి దిగనున్నాడు. గిల్ టీమిండియా తరపున వన్డేల్లో కీలక ప్లేయర్. ఓపెనర్ గా దాదాపు 60 యావరేజ్ తో పరుగులు చేశాడు. కెరీర్ ప్రారంభం నుంచి గిల్ నిలకడగా రాణిస్తూనే ఉన్నాడు. ఇప్పటివరకు 47 వన్డేల్లో 2328 పరుగులు చేశాడు. వీటిలో ఆరు సెంచరీలు.. 13 హాఫ్ సెంచరీలు ఉన్నాయి. హైదరాబాద్ లో న్యూజిలాండ్ పై డబుల్ సెంచరీ బాది చరిత్ర సృష్టించాడు.
Suresh Raina said🗣️ " Praise Shubman Gill and he is the Next Virat kohli Indian cricket Team, Who Said he is Very Very Young Age Matured and Hard Working...!!
— ARPIT• (@ImArpit_77) January 27, 2025
- Will be Champions Trophy 2025 Player of the Tournaments for Shubman Gill..!
pic.twitter.com/oj2tBwHXGJ
