క్రేజీ ముచ్చట్లు: సమరసింహంతో సింహం.. ఎంటర్టైన్మెంట్ అదిరిపోయింది

అన్‌స్టాపబుల్ విత్ ఎన్‌బీకే (Unstoppable with NBK) షోలో కంగువ టీమ్ పాల్గొంది. ఈ క్రమంలో తాజాగా అన్‌స్టాపబుల్ ఎపిసోడ్ 3 ప్రోమో రిలీజ్ చేశారు మేకర్స్. స్టార్ హీరో సూర్య ఈ క్రేజీ షోలో ఎంట్రీ ఇచ్చి ఆడియన్స్లో జోష్ నింపారు. 'హృదయం ఎక్కడున్నది.. నీ చుట్టూనే తిరుగుతున్నది 'అంటూ బాలయ్య తనదైన శైలిలో పాడగా.. సూర్య స్టెప్పులు ఆకట్టుకుంటున్నాయి. 'చాలా చాలా అందంగా ఉన్నారు బాలయ్య' అంటూ సూర్య అనడంతో ఆడియన్స్ ఫుల్ ఖుషి అయ్యారు.  

'నేషనల్ అవార్డు కొట్టావ్.. ప్రపంచం మీది నుంచి చూస్తుంటే.. ఎలా అనిపిస్తోంది' అని బాలయ్య అడగగా.. ఒక్క మాటలో చెప్పనా సార్..' ఆకాశమే నా హద్దురా.. ' అని సూర్య అనడంతో ఆడియన్స్ వావ్ అంటూ కేకలేశారు. ఆ తర్వాత బాలయ్య మాట్లాడుతూ.. ' సూర్య గారు ఏదో కంప్యార్ట్ బుల్ గా ఉండటానికి ట్రై చేస్తున్నారు.. అది నాకు నచ్చలే.. అనడంతో' సూర్య నవ్వారు.

Also Read :- బాలయ్య షోలో సూర్య కన్నీళ్లు

ఇక ఆ తర్వాత బాలయ్య మరో ప్రశ్న వేస్తూ.. 'కార్తి తన ఫోన్లో మీ పేరును ఏమని సేవ్ చేసుకున్నారు.. అడగగా ' అన్న' అంటూ సూర్య తెలిపారు. మీ ఫస్ట్ క్రష్ ఎవరని బాలయ్య అడగగా.. 'వద్దు సర్.. ఇంటికి వెళ్ళాలి సర్' అంటూ సూర్య సమాధానం దాటేశారు. ఇక ఆ వెంటనే బాలయ్య.. హీరో కార్తీకి కాల్ చేసి 'మీ అన్నయ్య చాలా అబద్దాలు ఆడాడయ్యా' అనడంతో.. 'చిన్నప్పటి నుంచే అలాగే సార్' అంటూ కార్తీ  చెప్పారు. దాంతో ఆడియన్స్ నవ్వు ఆపుకోలేకపోయారు.

ఆ వెంటనే బాలయ్య జ్యోతిక గురించి అడగగా.. 'తాను (జ్యోతిక) లేకపోతే సూర్య లేడు' అంటూ ఎమోషనల్ అయ్యారు. ఇక ప్రోమో చివర్లో కంగువ డైరెక్టర్ శివతో పాటు విలన్ బాబీ డియోల్ వచ్చి బాలయ్య తో సరదాగా ఆడుకున్నారు. ఇక ఆ క్రమంలో బాలయ్య తనదైన ప్రశ్నలతో ఆడియన్స్లో హుషారు పెంచారు. ఈ ఫుల్ ఎపిసోడ్ శుక్రవారం నవంబర్ 8న ఆహాలో స్ట్రీమింగ్ కానుంది.