ఆహా వీడియో ఓటీటీలో స్ట్రీమింగ్ అవుతున్న టాప్ షోలలో బాలయ్య హోస్ట్ చేసే 'అన్‌స్టాపబుల్ విత్ ఎన్‌బీకే' (Unstoppable with NBK) ఒకటి. ఈ మధ్యే సీజన్ 4 లో సీఎం చంద్రబాబు నాయుడుతో ఫస్ట్ ఎపిసోడ్ గ్రాండ్గా స్టార్ట్ అయింది.
ఇక అదే ఊపులో సెకండ్ ఎపిసోడ్లో లక్కీ భాస్కర్ మూవీ టీమ్ వచ్చి ఆడియన్స్లో మరింత ఉత్సాహం నింపింది. ఇక లేటెస్ట్ ఎపిసోడ్లో మరో ఎనర్జీటిక్ టీమ్ రాబోతుందని ఆహా మేకర్స్ ప్రోమో రిలీజ్ చేశారు.
"సింహం, సమరసింహం కలిసిన వేళ.. ఉండదా ఎంటర్టైన్మెంట్ ఆకాశం ఎత్తున.. సీజన్ 4, ఎపిసోడ్ 3 నవంబర్ 8న ప్రీమియర్ అవుతుంది" ఇక రెచ్చిపోండి అంటూ ప్రోమోతో ఇంట్రెస్టింగ్ అప్డేట్ ఇచ్చారు.
కోలీవుడ్ స్టార్ సూర్య (Suriya) హీరోగా దర్శకుడు శివ రూపొందించిన పాన్‌ ఇండియా మూవీ ‘కంగువ’ (Kanguva). దిశా పటానీ (Disha Patani) హీరోయిన్‌. ఈ మూవీ నవంబరు 14న ప్రేక్షకుల ముందుకు రానుంది. ఈ సందర్భంగా కంగువ టీమ్ ప్రమోషన్స్ లో జోరు పెంచింది. లేటెస్ట్గా అన్‌స్టాపబుల్ విత్ ఎన్‌బీకే షోలో సూర్య పాల్గొని ఆడియన్స్లో జోష్ నింపారు.
Also Read :- పవన్ కళ్యాణ్ 'తమ్ముడు' వచ్చేస్తున్నాడు.. కాన్సెప్ట్ ఇదే!
'హృదయం ఎక్కడున్నది.. నీ చుట్టూనే తిరుగుతున్నది అంట బాలయ్య తనదైన శైలిలో పాడగా.. సూర్య స్టెప్పులు ఆకట్టుకుంటున్నాయి. 'చాలా చాలా అందంగా ఉన్నారు బాలయ్య' అంటూ సూర్య అనడంతో ఆడియన్స్ ఫుల్ ఖుషి అయ్యారు. అలాగే ఓ సందర్భాన్ని గుర్తు చేసుకుంటూ ఎమోషనల్ అయ్యారు.
'అగరం' ఫౌండేషన్ స్థాపించి ఎందరో విద్యార్థులకు సూర్య అండగా నిలుస్తున్నాడు. గతంలో ఓసారి అమ్మాయి స్టేజీపై మాట్లాడుతుంటే పక్కనే ఉన్న సూర్య కన్నీళ్లు పెట్టుకున్నాడు. ఇప్పుడు 'అన్‌స్టాపబుల్' షోలోనూ ఆ వీడియో ప్లే చేయగా.. సూర్య మళ్లీ ఎమోషనల్ అయి కన్నీళ్లు పెట్టుకున్నాడు. ఈ లేటెస్ట్ ఫుల్ ఎపిసోడ్ శుక్రవారం (నవంబర్ 8న) రిలీజ్ అవుతుంది.
