కోలీవుడ్ స్టార్ హీరో సూర్య (Suriya) నటించిన లేటెస్ట్ మూవీ కంగువ (Kanguva). పాన్ ఇండియా వైడ్గా ఈ మూవీ పది భాషల్లో నవంబర్ 14న రిలీజ్ కానుంది. శివ(Shiva) దర్శకత్వంలో తెరకెక్కిన ఈ పీరియాడికల్ యాక్షన్ డ్రామాను స్టూడియో గ్రీన్, యూవీ క్రియేషన్స్ సంస్థలు నిర్మిస్తున్నాయి. ఇప్పటికే విడుదల చేసిన పోస్టర్స్, వీడియో గ్లింప్స్‌, టీజర్, సాంగ్స్ సినిమాపై అంచనాలు పెంచాయి.
లేటెస్ట్గా ఈ సినిమా నుంచి ట్రైలర్ రిలీజ్ చేశారు మేకర్స్. మరోసారి సూర్య నట విశ్వరూపం చూపించాడు. అగ్నితో సెగలు రేపే అటవిక యోధుడిగా సూర్య వైల్డ్ లుక్ ఆకట్టుకుంటోంది. ‘ఎదిరిస్తాం.. ఎదురు ఇస్తాం’ అంటూ సూర్య చెప్పిన డైలాగ్‌, విజువల్స్, బ్యాక్గ్రౌండ్ మ్యూజిక్, నటి నటుల మైండ్ బ్లాంక్ చేసే లుక్స్ ,సూర్య, బాబీ డియోల్ మధ్య జరిగే పోరాట సన్నివేశాలు గూస్బంప్స్ అని చెప్పాలి.
సూర్య యోధుడిగా, సామాన్యుడిగా రెండు పాత్రల్లో కనిపించబోతున్నట్లు తెలుస్తోంది. అందులో భాగంగా వెయ్యేళ్ల కిందట ఐదు తెగల మధ్య సాగే పోరాటం నేపథ్యంలో, ఓటమి ఎరుగని ధీరుడైన నాయకుడు కంగువను ఒకవైపు, ప్రస్తుత కాలంలో స్టైలిష్ హీరోను మరోవైపు చూపిస్తూ ట్రైలర్ గూస్బంప్స్ కలిగిస్తోంది.
ఈ ట్రైలర్ లో సూర్య, బాబీ డియోల్ మధ్య జరిగిన యుద్ధం సీన్స్ ఆడియన్స్ లో ఇంపాక్ట్ క్రియేట్ చేసింది. అయితే, ఈ మూవీలో సూర్య Vs బాబీ డియోల్ అన్నట్టుగా వార్ సీన్స్ ఉండబోతున్నాయట. ఇప్పటికే రిలీజ్ చేసిన టీజర్, ట్రైలర్ లోనే తెలిసిపోయింది. కానీ, ఇప్పుడు లేటెస్ట్ న్యూస్ ఏంటంటే..సూర్య మరియు బాబీ డియోల్ మధ్య తెరకెక్కించే భీభత్సమైన వార్ సీన్ ను ఏకంగా 10 వేల మందితో తెరెకెక్కించినట్లు సమాచారం.
అంతేకాకుండా..కళ్లు చెదిరే సినిమాటిక్ ఎక్స్‌పీరియర్ష్ ను పలు భాషల ఆడియెన్స్ కు అందించాలన్న ఉద్దేశంతో ఈ యుద్ధ సన్నివేశంలోని ప్రతి యాక్షన్, స్టంట్స్, విజువలైజేషన్ ను ఇంటర్నేషనల్ టెక్నీషియన్స్ పర్యవేక్షణలో చేసినట్లు మరో కథనం వినిపిస్తోంది. ఇక ఈ వార్ సీన్ ఇండియా లెవల్లో ఇప్పటివరకు తెరకెక్కిన అద్భుతమైన వార్ సీన్స్ ని బీట్ చేస్తున్నట్లు సమాచారం.
ట్రైలర్ విజువల్స్ ని బట్టి సింపుల్గా కంగువ స్టోరీ చెప్పుకోవాలంటే.. ఒక వీరుడు ఓ తెగ కోసం చేసే ప్రతిజ్ఞ ? ఆ పోరాటంలో అతనికి జరిగే మోసం? ఆ వెన్నుపోటు కారణంగా ఆ వీరుడు మళ్ళీ పునర్జన్మ ఎత్తాడా ? అతను నిలబెట్టిన గౌరవం కాపాడానికి మరో వీరుడు ఎలాంటి పోరాటం సాగించాడు? ఈ వెయ్యేళ్ల కాలాన్ని ఎలాంటి కథనాలతో తెరకెక్కించారో తెలియాలంటే మరోరెండ్రోజుల్లో థియేటర్ కి వెళ్లి చూడాల్సిందే. ప్రస్తుతం ఈ ట్రైలర్ సోషల్ మీడియాలో తెగ ట్రెండ్ అవుతుంది.
కంగువ సినిమాలో బాలీవుడ్ బ్యూటీ దిషా పఠాని హీరోయిన్గా నటిస్తోంది. 3Dలో తెరకెక్కుతున్న ఈ సినిమాకు..రాక్స్టార్ దేవి శ్రీ ప్రసాద్ (Devi Sri Prasad) సంగీతం అందిస్తున్నారు.
