ఆదిలాబాద్, వెలుగు: నాలుగు రోజులుగా ఆదిలాబాద్ జిల్లా కేంద్రంలో జరుగుతున్న రాష్ట్ర స్థాయి 71వ కబడ్డీ పోటీలు శుక్రవారం ముగిశాయి. విజేతగా సూర్యాపేట జిల్లా జట్టు, రన్నర్గా నల్గొండ జిల్లా జట్టు నిలిచాయి. వనపర్తి, రంగారెడ్డి జిల్లాల జట్లకు సంయుక్తంగా మూడో బహుమతి దక్కింది. ఆయా జిల్లాల జట్లకు ఆదిలాబాద్ జిల్లా కబడ్డీ అసోసియేషన్ అధ్యక్షుడు ఉష్కం రఘుపతి, అంతర్జాతీయ కబడ్డీ సంఘం డైరెక్టర్ జగదీశ్ యాదవ్, రాష్ట్ర కార్యదర్శి మహేందర్ రెడ్డి అవార్డులను అందజేశారు.
