యాదాద్రి, వెలుగు: అధికార పార్టీకి అనుకూలంగా మీడియాలో ఒకరిద్దరు తీటగాండ్లు రోత రాతలు రాస్తున్నారని సూర్యాపేట ఎమ్మెల్యే గుంటకండ్ల జగదీశ్ రెడ్డి అన్నారు. యాదాద్రి జిల్లా భువనగిరిలో జరిగిన పార్లమెంట్ సన్నాహక సమావేశంలో ఆయన మాట్లాడారు. సమస్యలతో ప్రజలు ఇబ్బంది పడుతున్నా, పంటలు ఎండిపోతున్నా ఆ సమస్యలను ప్రధాన పత్రికలు, టీవీల్లో రాకుండా చేస్తున్నారని ఆరోపించారు. కాళేశ్వరం, కరెంట్, ఫోన్ ట్యాపింగ్ అంటూ లేని సమస్యలను మరీ ఫస్ట్ పేజీల్లో రాయిస్తున్నారని ఫైర్ అయ్యారు.
20, 30 ఏండ్ల కిందే ఫోన్ ట్యాపింగ్ మొదలైనా, ఏదో ఇవ్వాళే మొదలైనట్లు రాస్తున్నారన్నారు. ‘దమ్ముంటే ఫోన్ ట్యాపింగ్ మొదలు పెట్టిన వాడిని పట్టుకొని రమ్మనండి’ అని సవాల్ విసిరారు. ప్రజలను తప్పుదోవ పట్టించడానికే ఫోన్ ట్యాపింగ్ డ్రామా ఆడుతున్నారని విమర్శించారు. ఎన్ని కేసులు పెట్టినా కేసీఆర్ వెంట్రుక కూడా పీకలేరన్నారు. కేసీఆర్ బయటకు వచ్చి ప్రశ్నించగానే బీజేపీ లాగు తడిచిపోయిందని, వెంటనే ధర్నా చేశారని ఎద్దేవా చేశారు. ‘ప్రజలకు ఇచ్చిన 429 హామీలను అమలు చేయని కాంగ్రెస్ నేతలు రండలు.. ఆ రండల లాగులను ప్రజలే ఉడబీకుతురు’ అంటూ తిట్ల పురాణం అందుకున్నారు.
జిల్లాలో పంటలు ఎండుతుంటే వీధికుక్కలాంటి మంత్రి కోమటిరెడ్డి వెంకటరెడ్డి ఎక్కడ ఉన్నారని ప్రశ్నించారు. కాంగ్రెస్, బీజేపీ ఇద్దరు దొంగలేనని, వీరిద్దరూ ఒక్కటై కేసీఆర్, కేజ్రీవాల్ను లేకుండా చేయాలని కుట్ర పన్నుతున్నారని జగదీశ్రెడ్డి ఆరోపించారు. కార్యక్రమంలో మాజీ ఎమ్మెల్యే పైళ్ల శేఖర్రెడ్డి అధ్యక్షతన జరిగిన మీటింగ్లో బీఆర్ఎస్ ఎంపీ అభ్యర్థి క్యామ మల్లేశ్, మాజీ ఎమ్మెల్యే బూడిద భిక్షమయ్య గౌడ్, కంచర్ల రామకృష్ణారెడ్డి, చింతల వెంకటేశ్వర్రెడ్డి, కొలుపుల అమరేందర్ ఉన్నారు.
