హైదరాబాద్, వెలుగు : సూర్యోదయ్ స్మాల్ ఫైనాన్స్ బ్యాంక్ లిమిటెడ్కు (ఎస్ఎస్ఎఫ్బీ) జూన్ క్వార్టర్లో నికర లాభం 47శాతం పెరిగి, రూ. 70 కోట్లకు చేరుకుంది. గత సంవత్సరం ఇదే కాలంలో రూ.48 కోట్ల నికర లాభం వచ్చింది. క్రితం ఏడాది నికర వడ్డీ ఆదాయం రూ. 225 కోట్లు కాగా, ఈ సంవత్సరం మొదటి క్వార్టర్లో నికర వడ్డీ ఆదాయం 31శాతం పెరిగింది రూ. 293 కోట్లకు చేరుకుంది.
బ్యాంకు నిర్వహణ లాభం రూ.117 కోట్ల నుంచి 23శాతం పెరిగి రూ.144 కోట్లకు చేరుకుంది. ఇన్‌‌‌‌క్లూజివ్ ఫైనాన్స్, కమర్షియల్ వెహికల్ వంటి కీలక వ్యాపారాలపై దృష్టి పెట్టడం ద్వారా ఈ వృద్ధి సాధ్యమైందని ఎస్ఎస్ఎఫ్బీ తెలిపింది. మొత్తం డిపాజిట్లు 5,722 కోట్ల నుంచి రూ. 8,137 కోట్లకు పెరిగాయని పేర్కొంది.
